Isamu
118 Taizyini Yeova pano u musuma;
Ukutemwa kwakwe ukwa cumi kukaikalilila amanda pe.
2 Si Aina Izlaeli yalande yati:
“Ukutemwa kwakwe ukwa cumi kukaikalilila amanda pe.”
3 Si amu ng’anda yakwe Aloni yalande yati:
“Ukutemwa kwakwe ukwa cumi kukaikalilila amanda pe.”
4 Si yayo aakaopa Yeova yalande yati:
“Ukutemwa kwakwe ukwa cumi kukaikalilila amanda pe.”
5 Nalilile kuli Jah* lino nacuulanga;
Jah wangaswike nu kundeta umu ncende icingililwe.
6 Yeova waya nani; ntaluvwa intete.
I cani cino umuntu angancita?
7 Yeova ali nani, ali kaazwa;
Ndalola kuno yayo aampata yakucimviwa.
8 Cazipapo ukufisama muli Yeova
Ukucila ukutaila antu.
9 Cazipapo ukufisama muli Yeova
Ukucila ukutaila ya cilolo.
10 Antu yonsi amu nko yanzingulwike,
Lelo nayazinzile
Umwi zina lyakwe Yeova.
11 Icumi kwene yanzingulwike konsi kwene,
Lelo nayazinzile
Umwi zina lyakwe Yeova.
12 Yanzingulwike wa nzimu,
Lelo yononyilwe zuwa wakwe vino umoto ukaoca zuwa imyunga.
Nayazinzile
Umwi zina lyakwe Yeova.
13 Yansunsile na maka pakuti impone,
Lelo Yeova wangavwile.
14 Jah ali kacingilila wane nupya ali maka yane,
Nupya wataya ali kapususya wane.
15 Umu matenti ya yalungami mwaya iciunda ca nsansa
Ni ca kucimvya.
Ikasa ili lunji lyakwe Yeova likulanga amaka yano lyakwata.
16 Ikasa lyakwe Yeova ilya kwi lunji ilikatuka papela;
Ikasa ili lunji lyakwe Yeova likulanga amaka yano lyakwata.
17 Ntalafwa awe, lelo ndaya nu umi,
Pakuti nkalande apa milimo yakwe Jah.
18 Jah wansalapwile sana,
Lelo atalesile ukuti imfwe.
19 Njulilini impongolo zya ulungami;
Ndingila nu kulumbanya Jah.
20 Yii i mpongolo yakwe Yeova.
Apano alungami yalingilila.
21 Ndakulumbanya pano wangaswike
Nupya wizile uya kapususya wane.
23 Iwe lii lyafumile kuli Yeova;
Nupya i cizungusyo kuli sweswe.
24 Uu u wanda uno Yeova wimika.
Wanda uwo ulaya u wa nsansa nupya tulasansamuka.
25 Yeova, twapaapata tupususye!
Yeova twazwe ukuti tucimvye, twapaapata!
26 Mupaalwe a wiyo aakwizila umwi zina lyakwe Yeova;
Twamupaala ukufuma umu ng’anda yakwe Yeova.
27 Yeova a Leza;
Akatupeela uluswepo.
Pitilini pamwi na aakuya umu kuzevya umutebeto ala imulema imisambo,
Ukuyafika uku mpembe zya ulambo.
28 Wewe Leza wane, nupya ndakulumbanya;
Leza wane, ndakucindika.
29 Taizyini Yeova, pano u musuma;
Ukutemwa kwakwe ukwa cumi kukaikalilila amanda pe.