Kuvyalwa Kwakwe Yesu Kufika Lino Wafwile

Umungeli Gabilieli watumilwe kuli mama umusuma uwiziina lyakuti Maliya. Waile anena mama wiya ukuti alavyala umwana aalateeka amanda pe. Mwana wii, Yesu, wavyaliilwe umu cikulwa canyama, muno ya kacema iizile iyamulolela. Lino paapisile amanda, ulutanda lwatungulwile aonsi yamwi ukufuma uku Ufumondaaka ukwiza-fika kuno umwana wali. Tulasambilila uwalenzile ukuti ulutanda lutungulule aonsi yaaya, nakupya tulasambilila navino Yesu wapuswike lino yaalondanga ukumumoola ala acili akanya.

Nupya, tulasambilila pali Yesu lino wali ni myaka iya kuvyalwa 12, ala akulanda kuli ya kasambilizya umu ng’anda ya kupepelamo. Kufuma papo, paapisile imyaka 18 aiza-watiziwa, nga alino watandike umulimo wa kukosoola nu kusambilizya pa Wene, pano ali cino Leza wamutumiile pano mpanga ya pansi. Yesu wasoolwile aonsi 12 yano wacisile ukuya atumwa.

Yesu wacisile ni vizungusyo ivingi cuze. Waliisizye antu aingi wakwe cimwi lino wayapeezile sile inswi izinoono alino ni mikate inoono sile. Wapozizye na aalwale nu kutuutulula afwe. Lyene, tulasambilila ivintu ivingi sana ivyacitiike apa wanda uno Yesu wafwililepo, na vino yaamumoozile. Yesu wakosoozile umupipi ni myaka itatu ni myezi 6; fwandi ICIPUTULWA 6 cikalondolola ivyacitiike pa myaka 34, nu kucilapo panoono.