Inkupo ya ku Mpela

ULUPWA ali cintu icalengelapo sana umu wikazi wa yantu, lelo ndakai ulupwa lwaya sana ni ntazi. Ndakai iciseeka sana alumendo na akazyana ukuomvya imilembo iikavulunganya uwongo, nu kucita upulumusi, napya atwalana aingi yakutaana sana, mu ndupwa mwaya sana unkalwe, alino indupwa umwasyala sile umuvyazi wenga nazyo izivulisya, alino kwaya ni ntazi zyuze izipisye. Vyonsi vii vikalenga antu aingi ukusakamala sana.

Uzye cingacitika ukuti ulupwa luye ulukome, napya ulusuma ulwakuti yonsi ayamo yaya acingililwe nupya ansansa? Ee, cingacitika ndi cakuti yonsi amu lupwa yamanya icintu cimwi icicindame sana icikalondekwa. Icintu kwene cico citaatala ukumanya. Pa myaka iingi wakwe cimwi icintu cico cazwilizya indupwa izingi sana. Uzye i cani cico kwene? Mumacimanya ningo sana ndi mwawelenga ibuku lii ilyakuti, Icingaazwa Amu Lupwa Ukuya ni Nsansa. Ibuku lii likulanda na vimwi vimwi vino mungacita pa kumala intazi zipusane-pusane zino mungakwata umu lupwa. Cumi kwene kutaaya umuntu atanga atemwe ukumanya ivintu vii!