Vyakumanyisya

◼ Mpapulo zya kusiila antu mu Juni: Uzye Baibo Ikasambilizya Ukuti Uli? nanti kapepala ki landwe akali konsi pali tuu: Uzye mwemo mukati Baibo i buku lya musango ci?, Uzye mukati i vyani vilacitika uku nkolelo?, I cani icingamwavwa ukuya ni nsansa pa ng’anda?, Uzye mungati a weni akatungulula insi?, Uzye ukucula kulatala kusile? na kakati Uzye i cisinka ukuti afwe yalaya aumi nupya? Mu Julai na Ogasiti: Ilyasi Lisuma lino Leza akutuneena! Mu Sepetemba: Lupungu Lwa Mulinzi na Loleni!

◼ Tupepala twi landwe nu tupepala twakwamilapo antu tonsi tuno mwasila umuntu nanti mwasya pa ng’anda apasi antu, mulinzile kulemba lyonsi lino mukucita lipoti pa mpela ya mwezi papa pano paya ati “Tumabuku nu Tupepala.” Ndi cakuti twazana umuntu akulondesya ukusambilila nupya wapoka nu lupapulo ululi lonsi nanti sile akapepala ki landwe tulinzile ukwezya na maka ukuyalola umuntu wiyo.

◼ Kutandika umu mulungu wako 19 Okotoba, 2015, ibuku lyakuti Ikalini mu Kutemwa Kwakwe Leza ali lino tulaaomvya api Sambililo Lya Baibo pa Cilongano. Ivilongano vyonsi ivikulonda mabuku yaa nayauze vilinzile ukulenga likwene. Yonsi angatemwa ukuwelengela ulupapulo luu pa tuombelo twao twako intaneti yafwile ukukopa pa jw.org kucila yakakwate ni buku ilipulintwe.

◼ Kutandika nu lupungu lwakwe Julai 15, 2015, na lwakwe Julai-Ogasiti 2015, lupungu lwa kusambililamo nu lwa yantu yonsi lulaayako mu ciMambwe-Lungu.

◼ Vilongano vilinzile ukulenga makaadi aakuvwangilako alwale yano tukati DPA (dpa-E) akuomvya ya kasimikila awatiziwa, nanti utumakaadi twa yana (ic-E) twakuomvya ana na ya kasimikila aatatala yawatiziwa. Mukaomvye Foomu ya Kuleengelapo Impapulo (S-14) nanti pa www.jw.org. Ndakai twata ukutuma ivintu vii ndi vino twatumanga lyonsi cila mwaka.