VINO SWE INA KLISTU TWAAYA
Maukongano ya pa Mwaka—Masyuko Yakulangilamo Kutemwa
U mulandu ci uno tukaipakizizya sana pa maukongano? Wakwe vino cali ku Ina Izlaeli, maukongano yano tukakwata ndakai, yakatupeela isyuko lyakupepa Yeova, pamwi na Ina Klistu yanji aingi sana. Tukaipakizya ivyeo visuma sana ivikatwazwa ukupalama kuli Yeova. Nupya tukaipakizya sana insita yonsi ino tukaya pamwi ni vyuza na yalupwa. Pa mulandu wakuti tukataizya sana pa maukongano yaa, tukalondesya sana ukuzanwako manda yonsi yatatu.
Ndi cakuti twakwata isyuko lya kukongana pamwi tutalinzile ukwelenganya sile pali vino vingatuzipila, lelo tulinzile kwelenganya na pali vino tungalanga ukutemwa kuli yauze. (Gala. 6:10; Ayeb. 10:24, 25) Ndi cakuti twayulila umwina nanti nkazi cisasa nanti kusunga sile vilimba vino tukuomvya, ala tukulanga ukuti tukwika mano kuli vino yauze yakulondekwa. (Filipi 2:3, 4) Maukongano yakalenga tukwate isyuko lya kupanga ivyuza ivipya. Lino ukongano utatala watandika, lino wasila nanti sile pa nsita yakupuuza, tungimika uyo wa kumanyana na umwi wino tutamanyana nawe pa nsita kwene zizyo. (2 Kol. 6:13) Ivyuza vino tungapanga pa insita kwene zii, vingaya ivyuza vya manda pe. Ni cicizilepo icakuti nga antu yakulola vino tukulanga ukutemwa muli vino tukucita, yangasoololapo kutandika ukuombela Yeova.—Yoa. 13:35.
TAMBINI VIDYO YAKUTI “KUTEMWA U KWA PE”! MAUKONGANO YA MPANGA ZINGI, ALINO MWASUKE MAUZYO ALONDELELAPO:
Uzye aina na yankazi yalangizye uli ukutemwa ku ina aile ku maukongano ya mpanga zingi mu 2019?
U mulandu ci uno ukulemana nu kutemwa kukalolekela sana mu yantu yakwe Yeova?
I miyele ci ikalolekela mu kutemwa kwa Wina Klistu ino aya umwi Umba Ilikatungulula yalanzilepo sana?
Mungacita uli pa kulanga ukuti mukutungilila ukutemwa ukukayako pa maukongano?
Uzye ukutemwa kwa Wina Klistu kwazwa uli aina na yankazi uku Germany nu ku South Korea ukuya alemane?
I vyani vino tulinzile ukulalondesya ukucita?