Tukataizya Leza na Klistu Pali Vino Tulakululwa Uku Nkoleelo

I ntanzi ci zino mukakwata cila wanda? Uzye mwemwe mutwe wa lupwa akaezya ukuomba imilimo ingi? Uzye mwemwe muvyazi akaezya ukusakamala ulupwa nanti cakuti mutakwata ya winu? Uzye mwemwe ya kasukulu acance akapatikiziwa ukucita vino auze yakulonda? Uzye mukalwalilila nanti mukacuula pa mulandu nu ukote? Swensi kwene twakwata intazi. Aina Klistu aingi yakalwisyanya ni ntazi izingi pa muku onga. Nomba, twamanya ukuti likwene sile twasya tukululwe uku ntazi zyonsi zii.—2 Kol. 4:16-18.

Ukufika lino tulakululwa, tukateekeziwa ukumanya ukuti Yeova wamanya vino tukacula, akatemwa pali vino tukaya na ucisinka na vino tukazizimizya, nupya uku nkoleelo alatupaala wakwe cimwi. (Yele. 29:11, 12) Na Yesu kwene watwikako sana amano. Watulaya ukuti ‘alaya pamwi naswe’ lino tukuomba imilimo ya Wina Klistu. (Mate. 28:20) Ndi cakuti tukwelenganya sana pali vino Uwene Wakwe Leza ulatukulula uku nkoleelo, tulakomya upalilo witu nupya tulalondesya ukuzizimizya intazi zino tukakwata ndakai.—Loma 8:19-21.

TAMBINI VIDYO YAKUTI: LINO UCUZI UKUPALAMA, MWALUKWIKA AMANSO INU PALI YESU!​—MAPAALO YANO UWENE ULALETA UKU NKOLEELO, ALINO MWASUKE MAUZYO ALONDELELAPO:

• Uzye antunze yaitalwisye uli kuli Leza, nupya i vyani ivyafumamo?

• A mapaalo ci yano antu acumi kuli Yeova yalapokelela?

• Twasininkizya uli ukuti vintu vii visuma vilacitika uku nkoleelo?

• A mapaalo ci alaya umu nsi ipya yano mukalondesya ukwizapokelela?