LWIMBO 74
Imbiniko Ulwimbo Lwa Wene!
1. Luu u lwimbo ’lusuma, lwa kucimvya;
Lwayelako kucindika Leza.
Mwaya mazwi akatukomelezya.
Mwensi mwize, twimbe ulwimbo luu:
(MAZWI YA KUSWILIZYAPO)
‘Katupepe Leza witu;
Mwana wakwe akuteeka!
Mwe yantu mwe, izini tulumbanye;
Tufukame tulumbanye Leza.’
2. Ulwimbo luu lukalanda pa Wene,
Klistu Yesu ali Mwene witu.
Napya kwaya apakwa nu mupasi
Alaateeka, capamwi na Yesu.
(MAZWI YA KUSWILIZYAPO)
‘Katupepe Leza witu;
Mwana wakwe akuteeka!
Mwe yantu mwe, izini tulumbanye;
Tufukame tulumbanye Leza.’
3. Ulwimbo luu mungalusambilila,
Mwaya mazwi angupale cuze.
Mu nsi yonsi, lwamanyikwa ku yantu;
Lyene nayo yakasambilizya.
(MAZWI YA KUSWILIZYAPO)
‘Katupepe Leza witu;
Mwana wakwe akuteeka!
Mwe yantu mwe, izini tulumbanye;
Tufukame tulumbanye Leza.’
(Lolini na Masa. 95:6; 1 Pet. 2:9, 10; Umbw. 12:10.)