ISAMBILILO 4

Ukuomvya Mazwi Asuma pa Kuwelenga Malembelo

Mateo 22:41-45

IVILI UMWI SAMBILILO LII: Mwapekanya amelenganyo yakwe ya kakutika lino mutali muwelenge ilembelo.

Landini umulandu uno mukuwelengela ilembelo. Lino mutali muwelenge ilembelo, mwalanda amazwi aangalenga ya kakutika ukwika sana mano uku cisinka icili umu cikomo.

Mwalola na pa mazwi aali umu vikomo vyuze. Mwalanda mazwi aalanzilwe na antu apusanepusane ukulingana na vino yayalanzile nu kulanda izina lya cumi ilya muntu wino walemvile ibuku lya muli Baibo.
Mwaomvya sana Baibo. Lino mukulanda uku yantu azumila muli Leza, mwalanda pali Baibo ukuti Izwi Lyakwe Leza, ndi mukucita vivyo ala mukulanga ukuti amuno tungazana mano ya cumicumi.
Avwini yano mukulandako ukuti yalondesya ukuvwa ivili umwi lembelo. Mwauzya iuzyo lino ilembelo limaasuka, mwalanda intazi ino ilembelo limaazwa ukucimvya, nanti kulanda pa cisinte cino ilyasi lya muli Baibo limaazwa ya kakutika ukuvwikisya ningo.

Mwaelenganya pali vino ya kakutika yamanya mpiti api lyasi ni lembelo lino mukulandapo. Na lino mukuwelenga ilembelo lino ya kakutika yamanya mpiti, landini amazwi aangalenga yatemwe ivyeo nu kulondesya ukuuvwa.