VYA KUTANDIKA UKULANZYANYA
SAMBILILO 6
Mwaya Asipe
Cisinte ci sunde: “Twasifile pa mulandu wakwe Leza witu kuti tumunene ilyasi lisuma.”—1 Tesa. 2:2.
Vino Yesu Wacisile
1. Tambini VIDYO, nanti belengini Luka 19:1-7. Alino mwasuke amauzyo alondelelapo:
U mulandu ci uno antu yatiinilanga Zakeyo?
I cani calenzile Yesu asimikile ilyasi lisuma kuli Zakeyo asi mulandu na vino antu yamutiinanga?
I Vyani Vino Tukusambilila Kuli Vino Yesu Wacisile?
2. Tukalondekwa ukusipa pakuti tusimikile antu yonsi pa Wene wakwe Leza.
Mwakolanya Yesu
3. Mwataila Yeova. Leza wapeezile Yesu umupasi wa muzilo uwamwazwile ukulasimikila, namwe kwene alamwazwa ukuomvya umupasi wa muzilo. (Mate. 10:19, 20; Luka 4:18) Mwalenga Yeova ukuti amwazwa ukuya asipe pakuti musimikile antu yano mukutiina.—Mili. 4:29.
4. Mutapingwila limwi antu. Limwi tungasitoka ukusimikila antu yamwi pa mulandu na vino yakaloleka, pa mulandu wakuti antu yayo apiina nanti akankala, nanti pa mulandu na vino yazumilamo. Lelo mwaiusya ukuti:
Yeova na Yesu yakalola mu mwenzo lelo swemo foo.
Tutalinzile ukwelenganya ukuti Yeova atange aazwe antu ukusenuka.
5. Mwaya asipe lelo mwaya nu mucinzi nupya mwaya acenjele. (Mate. 10:16) Mutapaazyanya na antu. Mwaya nu mucinzi pa kuta ukulanzyanya na antu asikulonda ukuvwa ilyasi lisuma nanti nga mwalola ukuti vintu visi ningo.—Mapi. 17:14.