Kuomba Ningo Umu Mulimo—Kutandika Isambililo Lya Baibo Kuomvya Kabuku Kakuti Ilyasi Lisuma Lino Leza Akutuneena!
Cino Cacindamila: Pakuti tupange alondezi tulinzile ukuya ya kasambilizya a Izwi Lyakwe Leza. (Mate. 28:19, 20) Swensi kwene tungaya ya kasambilizya yasuma ndi tukuomvya mabuku yano yatupekanyizizya. Kabuku kakuti Ilyasi Lisuma Lino Leza Akutuneena! kapangilwa ukuti twakaomvya lino tukusambilizya antu icumi. Nupya tungakaomvya ukutandikila isambililo papo kwene pano twazana umuntu.
Mwezi uu Muce Mwezye Ukucita Vii:
Muce mupepelepo pakuti mukatandike isambililo. Nupya muce mulenge Yeova kuti amwazwe mukwate isambililo nu kuya ya kasambilizya yasuma.—Filipi 2:13.
Muce muyelezye ivya kucita pa kutandika masambililo lino muli pa kupepa kwa lupwa nanti lino mukuisambilizya. Nga mwacita vivyo, cilalenga imisambilizizye inu ukuya ningo, nupya cilamwazwa ukutandika isambililo lino mukusimikila.