Kuomba Ningo Umu Mulimo—Kupeela Antu Ibuku Lyakuti Vino Baibo Ikasambilizya
Cino Cacindamila: Ibuku lyakuti Vino Baibo Ikasambilizya ali ciombelo cino tukaomvya sana pa kusambilizya. Lelo lino tutatala twatandika ukusambilila nu muntu umwibuku lii, inkoleelo tulinzile ukumupeela ibuku kwene lii. Fwandi swensi kwene lino tukusimikila, tufwile ukumanya sana vyakucita pa kupeela antu ibuku lyakuti Vino Baibo Ikasambilizya. (Mapi. 22:29) Kwaya inzila izingi sana zino tungaomvya pa kupeela antu ibuku lii, nupya ya kasimikila yalinzile ukuomvya inzila ino yakulola ukuti ingayavwa.
Mwezi Uu Muce Mwezye Ukucita Vii:
Muce mwezye ukucita icilangililo lino muli pa kupepa kwa lupwa.
Lino mukusimikila, muce muneneko ya kasimikila yauzo amazwi yano mukwelenganya ukulanda ku muntu wino mwayasimikila. (Mapi. 27:17) Mufwile ukwalula amazwi ndi cakuti yano mukuomvya yatakuomba ningo.