Mwaaya Pamwi na Antu Atemwa Yeova

U mulandu ci uno tulinzile kulaya capamwi na antu atemwa Yeova? Pano antu yano tukaya nayo yangatwazwa ukulacita ivintu visuma nanti ukulenga twacita iviipe. (Mapi. 13:20) Umwene ‘Yoasyi wacitanga ivyawololoke pa manso yakwe Yeova’ manda yano wali pamwi na Simapepo Mukulu Yeoyada. (2 Mila. 24:2) Lino Yeoyada wafwile, Yoasyi watazyezile Yeova pa mulandu wa kuya pamwi na antu aipe.—2 Mila. 24:17-19.

Mu nsita ya Ina Klistu ya kutandikilako, mutumwa Paulo wakolinye icilongano ca Ina Klistu ku “ng’anda ikulu” na antu ali mu cilongano wayakolinye ku “viya” vya mu ng’anda. Tukaya iviya “vikaomviwa pa mulimo ucindame” ndi cakuti tukusenka kuli ya cuza aipe ali yonsi, nanti sile amu lupwa nanti umu cilongano asicita vino Yeova akalonda. (2 Tim. 2:20, 21) Fwandi lekini twapanga ivyuza visuma ivyatemwa Yeova nupya ivingatukomelezya kulamuombela.

TAMBINI VIDYO YAKUTI SAMBILILINI VINO MUNGACITA PA KUKAANA ANTU AYA NI MIYELE IIPE, LYENE MWASUKE MAUZYO ALONDELELAPO:

• Uzye tungatandika uli kuya capamwi na antu aya ni miyele iipe ukwaula nu kumanya?

• Mu cilangililo cii, i vyani vyavwile Aina Klistu yatatu ukuta ukuya capamwi na antu aipe?

• I visinte ci ivingamwazwa kusoolola ningo antu yano mulinzile ukuya nayo pamwi?