Intazi Zyonsi Zikasila

Intazi zingatutoovola maka maka ndi cakuti zyalengela. Davidi wamanyile ukuti Saulo wali nu kuta ukumulwisya nupya wali nu kuya umwene wakwe vino Yeova wamulavile. (1 Sam. 16:13) Utailo uno Davidi wakweti wamwazwile ukuteeka umwenzo nu kuloleela ukuti Yeova afumyepo intazi zino wakweti.

Nga twakwata intazi limwi tungaomvya ukucenjela kwitu, amano itu, nanti ukwelenganya kwitu pa kuti tucimvye intazi. (1 Sam. 21:12-14; Mapi. 1:4) Nomba, intazi zimwi zikatwalilila ukuyako nanti cakuti itwezya na maka ukucita ivintu ukulingana ni visinte ivya muli Baibo. Nga caya vivyo, tulinzile ukuteeka umwenzo nu kuloleela ukuti Yeova atwazwe. Likwene sile wasya afumyepo ukucuula nupya “alakumbula aminsozi yonsi.” (Kuso. 21:4) Ciye intazi zyasila pa mulandu wa kuti Yeova watwazwa nanti pa mulandu ni milandu yuze, twataila ukuti intazi zyonsi zitalatwalilila ukuyako. Ukumanya vii kungatuteekezya.

TAMBINI VIDYO YAKUTI ANTU ALEMANE UMU NSI UMWAYA AKAPATULULA, ALINO MWASUKE AMAUZYO ALONDELELAPO:

• Iintazi ci zino Aina Klistu yamwi aa ku katutu ka United States yakweti?

• Uzye yalangizye uli ukuti yatesile umwenzo nupya yali nu kutemwa?

• Uzye yatwalilile uli ukwika amano uku “vintu ivicindamisye”?—Filipi 1:10.