Mwaomvya JW.ORG pa Kuzana Ivyeo Ivingamwazwa Umu Umi Winu Cila Wanda

Umwi Izwi Lyakwe Leza mwaya ivintu ivingatwazwa ukucimvya intazi zino tukakwata umu manda yaa akusyalikizya atale. (2 Tim. 3:1, 16, 17) Nomba insita zimwi, limwi tungalondekwa uwazwilizyo uwa kuzana ivisinte ivya muli Baibo ivingatwazwa uku ntazi ino tukweti. Wakwe, uzye mwemwe avyazi aakulondekwa uwazwilizyo pali vino mungakuzya ana? Uzye mwemwe acance yano utailo ukweziwa? Uzye muli nu ulanda pa mulandu wakuti ya winu yafwa? Mungazana ivyeo pa jw.org ivingamwazwa ukuzana ivisinte ivya muli Baibo ivingamwazwa uku ntazi zii alino nu ku ntazi zyuze izingi.—Mapi. 2:3-6.

Pi fwa lya kutandikilako pa jw.org, mutinike apakuti VISAMBILIZYO VYA MULI BAIBO. (Lolini icikope 1.) Lyene apisika mungasoololapo vino mukulonda. Nanti mungaya pa LAIBULALE > VIPANDE VYA MALYASI alino musoolole vino mukulonda. (Lolini icikope 2.) Nupya vii mungavizana na pa JW Laibulale^®.a Mungaipakizya ukulola ivipande ukuomvya inzila ili yonsi pali zii zino twalandapo. Inzila yuze ino tungazanilamo ivyeo vino tukulonda u kuvilemba pa kambokosi kakuti londini pa jw.org.

Lembini malyasi alondelelapo umu kambokosi kakuti londini, nupya mulembe ivipande vino mungatemwa ukubelenga.

• Kukuzya ana anono

• Ivikasakamika alumendo na akazyana

• Lino wino mwatwalana nawe wafwa