Mwaimika Mauyo Umu Manda ya Ciusyo

Cila mwaka, antu yakwe Yeova yakalonda ukuzevezya pamwi Ciusyo. Lino kwasyala panono ukuti kuye Iciusyo alino na pa cisila, tukakwata masyuko aiyeele aakulumbanyizizyamo Yeova alino nu kumutaizya api lambo lino watupeezile. (Efes. 1:3, 7) Wakwe, tukaombesya ukwama antu ukwiza uku Ciusyo. Yamwi yakaitemelwa ukusenukako mumwi pakuti yangaombako upainiya uwa nsita inono uwa maawazi 30 nanti 50 umu Maaci nanti umu Epuleo. Uzye mungatemwa ukulundulula imiombele inu umu mulimo wa kusimikila umu nsita ya Ciusyo? I vyani ivingamwazwa ukucita vivyo?

Ilingi, ukutantikila limwi ivyakucita kukalenga ituombesya. (Mapi. 21:5) Vino manda ya Ciusyo ya kupalama, ikwene aali nsita iya kutantikila limwi vino tulaomba. Elenganyizizyini limwi pa mauyo yano mungimika pakuti mukaombesye umu mulimo uwa kusimikila umu manda ya Ciusyo, alino na vino mungacita pakuti mukafikilizye mauyo yayo. Lyene mwalenga ukuti Yeova amwazwe pali vino mwapanga ukucita.—1 Yoa. 5:14, 15.

Uzye mungelenganya pa nzila zimwi zino mungalundulwilamo imiombele inu umu mulimo uwa kusimikila umu manda ya Ciusyo?