Leza Akamisakamala
MULI Baibo mwaya ivyeo ivingi ivyakutwazwa pano yafuma kuli Leza. Isilanda pali vimwi ivingatupozya, lelo ingatwazwa umu nzila izipusanepusane ndi cakuti itusakamikwa, tusikwelenganya ningo, lino iviipe vyatucitikila, lino itusoka nanti sile lino itukwata intazi.
Cicindamisye i cakuti, Baibo ikatunena ukuti Kaumba witu Yeova Leza,a u wamanya vino tukayuvwa na vino tukaelenganya ukucila umuntu ali wensi. Nupya akaitemelwa ukutwazwa ukucimvya intazi ili yonsi ino twakwata. Lolini amalembo yaili amuli Baibo angatuteekezya:
“Yawe akaya umupipi sana na yayo ati yaputuka imisana. Wene akapususya antu yanoyati yapelelwa amano.”—MASAMU 34:18.
“Apamulandu wakuti nene ne Leza winu namamukomyanga, ali cino fwandi nkumunena inti, ‘Mutaoopa, namamwazwanga.’”—EZAYA 41:13.
Uzye Yeova akatwazwa uli ukucimvya intazi zino tukakwata? Wakwe vino tumalola umu vipande ivilondelilepo, Yeova akatulanga ukuti akatusakamala umu nzila izipusanepusane.
a Yeova ali zina lyakwe Leza.—Masamu 83:18.