Vino Mungacita pa Kuisambilizya
Manyini Inyimbo Zya Muzilo
“Ndi cakuti naya nu ulanda, Yeova akankomelezya ukuomvya inyimbo izikaya muli JW Broadcasting.”—Ya Lorraine, aku U.S.A.
Aina Klistu yakaimba “nyimbo zya kutaizya” pa kupepa Leza. (Kolo. 3:16) Ukumanya inyimbo zii kulamwazwa ukulaimba inyimbo na lino mutakweti ibuku lya nyimbo, foni, tabuleti, nanti kompyuta. Ezyini ukucita ivyalondelelapo pakuti mumanye ningo inyimbo.
Mwabelenga sana amazwi amu lwimbo pakuti mumanye upiliulo. Ndi cakuti ulwimbo lwamufika apa mwenzo cilamwazwa ukulaiusya amazwi amu lwimbo. Amazwi akaya umu nyimbo zitu zyonsi, ukwikako sile ni nyimbo izipusaneko alino ni zya yana yakazanwa pa jw.org. Muye pa ciputulwa cakuti Laibulale, lyene mutinike apakuti Inyimbo.
Mwalemba amazwi ali umu lwimbo. Ukucita vii kulamwazwa ukulaiusya amazwi ali umu lwimbo.—Malan. 17:18.
Mwaimba ni izwi lyuvwike. Mwabelenga nanti ukwimba ulwimbo imiku iingi.
Mwaezya nga imumanya. Mwaezya ukwiusya amazwi amu lwimbo ukwaula ukulola apali ponsi, nu kulola nga mumaimba ningo.