Isamu
96 Imbilini Yeova ulwimbo ulupya,
Imbilini Yeova mwensi mwe ya pano nsi!
2 Imbilini Yeova lumbanyini izina lyakwe.
Mwalanda pi lyasi ilisuma ilya kupususya kwakwe cila wanda.
3 Manyisyini ululumbi lwakwe uku nko,
Ni milimo yakwe iya maka uku yantu yonsi.
4 Yeova u mukulu nupya walinga sana ukulumbanyiziwa.
U wa kuzungusya ukucila ya leza yonsi asyala.
5 Ya leza yonsi ayantu aa sile sile,
Lelo Yeova u wapanzile mayulu.
6 Muno akaikala mwaya ululumbi nupya mwayemba;
Maka nu usuma vyaya umu ncende yakwe iya muzilo.
7 Peelini Yeova vino alinzile ukupeelwa, mwe yantu mwensi,
Peelini Yeova vino alinzile ukupeelwa pa mulandu nu ululumbi lwakwe na maka.
8 Peelini Yeova ululumbi ululingine ni izina lyakwe;
Letini ca upe nu kwingila umu misolo yakwe.
9 Fukamilini Yeova ala imuzwala ivyakuzwala vya muzilo;
Insi yonsi kizakaze pa nkoleelo yakwe!
10 Manyisyini inko muti: “Yeova wataya u Mwene!
Insi yapampamikwa itanga itenkanyiziwe.
Alapingula antu mu mulinganya.”
11 Lekini mayulu yazange ni nsi isansamuke;
Lekini yemba alulume na vyonsi vyayamo;
12 Lekini vyalo na vyonsi ivyayamo visansamuke.
Pa nsita iliimwi kwene lekini imiti yonsi iya mu mpanga ipunde nu luzango
13 Pa nkoleelo yakwe Yeova, pano akwiza,
Akwiza umu kupingula insi.
Alapingula aakaikala umu nsi umu ulungami
Nupya alapingula antu ni cisinka.