Isamu

114 Lino Aina Izlaeli yafumile umu Ijipti,

Kuli kuti amu ng’anda yakwe Yakobo ukufuma umu yantu avwanganga ululimi lwa ku mpanga yuze,

 2 Impanga ya Yuda izile iya incende yakwe Leza iya muzilo,

Nupya Leza wateekanga Aina Izlaeli.

 3 Yemba waweni vivyo nu kuutuka;

Uluzi Lwa Yodani lwaswilile.

 4 Imyamba yatolwike wakwe ya suuku,

Nu tumyamba twatolwike wa twana twa mfwele.

 6 U mulandu ci uno mwatolokiile wakwe ya suuku mwe myamba,

Mwe tumyamba, u mulandu ci uno mwatolokiile wa twana twa mfwele?

 7 We nsi sunkaana pa mulandu wa Mwene,

Pa mulandu wakwe Leza wakwe Yakobo,

 8 Aakasangula iciliwe iciya uluzi umuli na matete,

Aakasangula iciliwe icikome ukuya utufukoka twa manzi.