VYA KUTANDIKA UKULANZYANYA
SAMBILILO 4
Mwaya Aicefye
Cisinte ci sunde: “Lelo muye aicefye nu kulola ukuti yauze yamucila.”—Filipi 2:3.
Vino Paulo Wacisile
1. Tambini VIDYO, nanti belengini Milimo 26:2, 3. Alino mwasuke amauzyo alondelelapo:
Uzye Paulo walangizye uli ukuicefya lino walandanga nu Mwene Agilipa?
Uzye Paulo walangilile uli ukuti wisile mano kuli Yeova nu ku Malembo kucila kwika mano ku mwineco—Lolini Milimo 26:22.
I Vyani Vino Tukusambilila Kuli Vino Paulo Wacisile?
2. Ndi cakuti tuli nu mucinzi lino tukusimikila cingalenga antu yakutika.
Mwakolanya Paulo
3. Mutasuula yano mukusimikilako. Mutaleka caloleka ukuti mwemwe mumanyile vyonsi lelo antu yauze yene yatamanyile nanti acimwi.
4. Mwaleka cimanyikwa ukuti Baibo ali ntulo ya cumi cino tukasimikila. Mwi zwi lyakwe Leza mwaya amazwi akafika antu pa mwenzo. Ndi cakuti tukuomvya Baibo, tulazwa yauze ukuya nu tailo ukome.
5. Mwatwalilila ukuya afuuke. Mutaleka caloleka ukuti mwemwe muli ningo. Tusilonda ukulapazyanya nupya tukalanga ukuti twaya aicefye ndi cakuti ituteeka umwenzo nu kumanya insita ino tulinzile ukufumapo. (Mapi. 17:14; Tito 3:2) Ndi cakuti tuli afuuke lino tukulanda na antu limwi cingalenga ukuti umuku uze yakakutike kuli vino tukusimikila.