Ukwasuka Mauzyo Aamuli Baibo
I vyani vilacitikila antunze uku nkoleelo?
Uzye imfwa yakwe Yesu ilaleenga uli ukuti antu uku nkoleelo yakasakamalana sana?
Ukwaula nu kutwisika, antu yalatwalilila ukulunduluka muli vyakwe sayansi. Nomba, uzye yalatala yalenge ukuti antu yonsi yauvwana nu kusakamalana sana? Awe. Ndakai, antu umu nsi yapunuka nupya aakaitemwe. Lelo, Yeova akaalonda ukuti ivintu vikazipile sana antunze yonsi.—Welengini 2 Petulo 3:13.
Baibo ikalondolola ukuti uku nkoleelo antu yonsi yalatemwana cuze. Yalacingililwa, kusi alaayazanza.—Welengini Mika 4:3, 4.
Uzye ukaitemwe ulafumiziwapo uli?
Pa kutandika Leza ataumvile umuntunze na ukaitemwe. Nomba lino umuntu wakutandikilako wasoolwile ukukana uvwila Leza, watiile ukuya umumalilike. Twapyanyile ukaitemwe ukufuma kuli aliwe. Lelo, Leza alaomvya Yesu ukulenga kuti antu yakaye amalilike nupya.—Welengini Loma 7:21, 24, 25.
Ukulingana nu kulonda kwakwe Leza, Yesu wafwilile antunze nu kucimvya iviipe vyonsi ivikacitikila antunze pa mulandu na ucipondoka wa muntu wakutandikilako. (Loma 5:19) Fwandi Yesu waleenga ukuti ivintu vikaziipe sana uku nkoleelo lino antunze yalaya antungwa kuli ukaitemwe uukalenga yaacita iviipe.—Welengini Masamu 37:9-11.