Jen Kiñ Eo Moktata An Israel Ñõn Ien Jebokwe Ilo Babilõn

Saul e ar erõm kiñ eo moktata an Israel. Ak Jeova e ar jolok e, im kãlet Devid bwe en kiñ im binej jenkwon. Jej katak elõñ menko kin Devid. Ke e ar emõn drer, e ar tõrinaek dri inea eo Goliat. Tokelik, e ar ko jen Kiñ Saul kin an Saul junmare. Tokelik, juõn kõra e dreo etan Abigeil e ar bõprae e jen an kõmõne juõn men in bwebwe.

Inem jej katak elõñ menko kin Solomon, leo nejin Devid, eo im e ar bõk jikin Devid im erõm kiñ in Israel. Kajojo ian kiñ ro jilu moktata in Israel r’ar iroij iomin 40 yiõ. Elikin an mij Solomon, e ar jibel Israel ilo ruo ailiñ ko, juõn i-tu eañ im juõn ailiñ i-tu rõk.

Ailiñ eo i-tu eañ me 10-bwij ko ie e ar ber iomin 257 yiõ ko mokta jen an kar dri Asiria ro kokkure. Inem lok in bar 133 yiõ, bwij ko ruo in ailiñ eo i-tu rõk e ar bareinwõt jebeeplok. Ilo ien in r’ar kajebokwe dri Israel ro bwe ren dri kamakoko ilo ailiñ in Babilõn. Inem mõttõn eo ken ka EMEN ej konono kin menko im r’ar walok iomin 510 yiõ in bwebwenato, im elõñ men in kabwilõñlõñ ko r’ar walok ilo ien in.