Kwal̦o̦k Am̦ Yokwe im Kea Kake Armej

1 Tessalonika 2:7, 8

ILO TUKADU: Eñjake eo kwõj kwal̦o̦ke ilo am̦ kõnono ej aikuj itok jãn bũruom̦, im kaalikkar ñan armej ro bwe elukkuun m̦ool am̦ yokwe im kea kake er.

KILEN AM̦ KÕM̦M̦ANE:

• L̦õmn̦ak kõn armej ro. Kõpooj bũruom̦ ilo am̦ kakeememej eok make kõn apañ ko rej iiooni. Kajjioñ in mel̦el̦e kõn eñjake ko aer.

• Kããlõt naan ko rejejjet im rekkar. Kajjioñ in kaenõm̦m̦an, kõkajoor, im kalõk armej ro. Kõjparok bwe kwõn jab kõjerbal naan ko remaroñ kal̦õkatip er, im jab kõnanaik ro eoktak tõmak ko aer im katak ko rej lukkuun tõmaki.

• Kwal̦o̦k am̦ kea. Kaalikkar bwe kwõj lukkuun kea kake armej ro ilo am̦ kwal̦o̦k jouj ilo ton̦ in ainikiõm̦ im ilo wãween am̦ kõm̦akũt peim̦. Keememej bwe turin mejam̦ ej bar kaalikkar el̦aññe kwõj kea kake er. Kõn men in, kwal̦o̦k am̦ mejãn m̦õn̦õn̦õ.