Deeo Eo Ituloa Etto An Bed Aorõkin
“JUÕN LIKAO DIKDIK EJ WATÕK BWE WULIO IM MOUR ILO ERREO REJ JOÑAIR WÕT JUÕN,” EAR LO IM LALE JUÕN CHRISTIAN EO ERITTO IM TILJEK
Aet, armij etto an likit menin kalikar eo ebwid kin deeo eo itulik, im ekkã an tellok ñan jemlok eo ebwid kin aorõk ko ituloa. Bõtab, Ri Kõmanmõn eo ad, ej lale ta mũlal eo ituload, jekdon baotok eo ad itulik. Ilo wãwen in ej likit joñok eo emõntata kin jemlok eo eritto. Ekkar ñan Bible eo, Anij make ear ba: “Armij ejjab loe wãwen eo Anij ej loe, kinke armij ej loe men eo ej walok iman mejen; ak kin Jehovah, ej lo ta buru eo.”—1 Samuel 16:7, New World Translation.
Anij ej Unjen deeo eo emol an armij, im Nan eo an ej kalikar bwe ñe rej etale joñan mol eo an juõn armij make, kadkad ko ilo jitõb rej men ko elap air aorõk. Bible eo ej kwalok: “Joij e men in mon, im dreo men wan; a juõn kõra ej mijõk Jeova, naj nebar e.” (Jabõn Kennan Ko 31:30) Emol, deeo eo itulik emaroñ kalibubu nana eo ituloa. (Ester 1:10-12; Jabõn Kennan Ko 11:22) Meñe deeo in enbwin eo emaroñ mejkunlok ibben ien, deeo eo ituloa—kadkad ko in buru—remaroñ eddek im etto air bed.
Kin menin, ej menin meletlet, ñan ejaake kadkad rot kein einwõt yokwe, lañliñ, ainemõn, meanwõd, joij, lejokmen, tiljek, inemõn, im jatõr! (Dri Galetia 5:22, 23) Kin menin jemaroñ tõbar deeo eo ituloa, eo emol an etto an bed aorõkin.—1 Piter 3:3, 4.