Ewi Wãwen Air Jutak Wõt Nae Ijjibed eo An ro Dettair Wõt
KÕNAN eo bwe en buñbuñ iman mejen armij ej kareelel elõñ armij ñan errã ibben lemnak im kõmman ko an ro dettair wõt. Elaptata jodikdik ro rej aikwij bõk kakajur ñan makoko in bõk kunair ilo manit ko rej kõmman jorrãn, einwõt bõk unokan kadõk im mour in lũñ. Ewi wãwen air maroñ jutak nae ijjibed eo an ro dettair wõt?
Ruo ledik jodikdik ilo Poland ilo ien ko kiõ rar jeje: “Jitõbõn lal in ealikar loe ibwiljin elõñ ro dettair wõt kij. Rej kwot ilo examination ko ilo school, kajerbal nan ko renana, im rej kaorõk style in nuknuk ko ekkar ñan mantin lal in, kajañjañ ko retton. Jej mõnõnõ bwe ewõr ennan ko kin kij jodikdik ro im rej kejbãrok kij jen kareelel ko rejjab emõn im jumae ko an jodikdik!
“Nan ko rejjab maroñ kwalok joñan kamolol eo ad kin katak ko ilo Imõniaroñroñ ko rej kabwilõñ kij einwõt armij ro redik rej aikwiji kij im kamolol kij. Nan in kakabilek eo ilo Bible emwij ad bõke ear jibañ kij ñan tel buñten need ilo jimwe ñan wõnmanlok wõt im kamõnõnõik Jehovah Anij. Jej liki bwe jerbal eo ewõr tiljek ie ñan Jehovah ej ial in mour eo emõntata.”
Aet, armij ro redik remaroñ jutak wõt nae ijjibed eo an ro dettair wõt. Ilo air katakin kajur in “jelã kajen emõn im nana” eo air, Christian jodikdik ro rej katak ñan kõmman bebe ko remeletlet ko rejjab kwalok “jitõb õn lõl” in ak, rej kwalok “jitõb eo jen Anij.”—Dri Hibru 5:14; 1 Dri Korint 2:12.