Kabwilõñlõñ Ko Eto Air Bed

KAJJOJO yiõ, Ri Kennan ro an Jehovah ilo ailiñ ko air rej kweloktok ibben don ilo assembly ko im convention ko an Christian. Rej kõmmane menin ñan lañliñ ilo jitõb kin katak im ibben don ko rej menin kalek. Ak wãwen ko jet ilo kweloktok ibben don ko air emaroñ bareinwõt kabwilõñ ri lotok ro im kõmman bwe en to air kememeji.

Ilo July 1999, ñan wanjoñok, thousand Ri Kennan ro ilo Mozambique rar kwelok iumin jilu ran ko elap aorõkiir ilo District Convention ko im unintel eo ej “Nanin Kanan eo An Anij. Elõñ ian ro rar bed ej kab jinoin air bed ilo juõn convention. Rar bwilõñ ejjab kin nan ko wõt rar roñjaki jen jikin konono eo ak bareinwõt kin ta eo rar lo ibelakiir.

Juõn ennan eo kar kwalok ilo Assembly Hall eo ilo Maputo kar: “Ijañin kar lo juõn jikin eo eaibujuij einwõt in ilo aolepen mour eo aõ! Room in tutu ko ear wõr soap im kilaj ie, im ear nemen erreo. Ear wõr ainemõn ilo belak ko im ejelok ainikien an ajiri ro ire. Im ejelok iuni don! I ar lo ajiri ro remõnõnõ, rar bõk kunair ilo konono ko rej menin kõketak. Iar bareinwõt bwilõñ kin wãwen an emõn an aolep nuknuk. Ien in tok juõn, I naj bõktok ajiri ro nejiõ im kamol ñan leo ibba bwe family eo am kimij aikwij bed ilo convention in.”

Aet, mol, tiljek, im erreo ilo enbwin an Ri Kennan ro an Jehovah ealikar loe. Etke Ri Kennan ro reinjuõn? Kinke rej ilo mol kajeoñ in jerbale men eo rej katak jen Bible eo. Etke kwoj jab kweloklok ibbeir ilo yiõ in ilo convention ko air ibelakin lal ak ilo kwelok ko air week otemjej ilo juõn Kingdom Hall ilo bukwon eo am im make lo kin mejam?

[Pija]

ZAMBIA

[Pija]

KENYA

[Pija]

MOZAMBIQUE