Kwoj Kalek Ion Foundation Et Eo?

JOÑAN an juõn em bin ej wawa ion kajur in bedbed, ak foundation eo. Jet ien Bible eo ej kajerbal men in ilo juõn wãwen kõkkar.

Ri kanan eo Isaiah, ñan wanjoñok, ej konono kin Jehovah Anij einwõt eo ej “likit loñtõk ko loñtõn lõl.” (Aiseia 51:13) Foundation in ej ejaak in kien ko rejjab oktak an Anij me rej beek makitkit ko an lal in im kõmman bwe en bin ilo jikin. (Sam 104:5) Nan in Anij, Bible eo, ej bareinwõt konono kin “loñtak ko” me jukjuk im bed in armij ear ejaak ion. Men kein rej ekajet jimwe, kien, im ainemõn. Ñe “re joko,” ak rej kamõjnoiki, ikijen jab wãnik, nana, im lej, inem ainemõn eo an jukjuk im bed eo ej jorrãnlok.​—Sam 11:​2-6; Jabõn Kennan Ko 29:4.

Kien in ej bareinwõt jerbal ñan armij ro kajjojo. Ke ear kajemlok Katak eo an ebuñbuñ ion Tol eo, Jesus Christ ear ba: “Inem jabrewõt eo ej roñjaki nan kein Aõ, im kõmõnmõni, naj kajeoñwe ir einwõt armij eo e jelalokjen, im ej kalek mweo imõn ion bar. Im e buñ wut, im ibij liplip, im lap kõto, im iun imweo; im e jab buñ; bwe emwij kaleke ion bar. Im ir otemjej rej roñjaki nan kein Aõ im jab kõmõnmõni, naj kajeoñwe ir einwõt armij eo e jajelokjen, im ej kalek mweo imõn ion bok. Im e buñ wut, im ibij liplip, im lap kõto, im iun imweo; im ej buñ: im elap an buñ.”​—Matu 7:​24-​27.

Kwoj kalek mour eo am ion foundation et eo? Ion bok ko ke rebidodo kin meletlet an armij ro rejjab tõmak ilo Anij, me enaj buñ im jako? Ak kwoj kalek ion bar eo kin bokake nan in jiroñ ko an Jesus Christ, me enaj jibañ yuk ñan jutak bin iumin lañ ko ilo kõkkar ilo am mour?