Katak Ko Ilo Bok In

Ippãn armej ro an Jeova, al ej juon iaan wãween ko raorõk ilo ad kabuñ ñan E. Bõtab, jet remaroñ jook im ãliklik in al im̦aan mejãn ro jeid im jatid. Ewi wãween jemaroñ al ñan Jeova kõn aolepen bũruod im jab jook? Katak in ej kwal̦o̦k un ko rem̦m̦an kõn ad aikuj m̦õn̦õn̦õ in al, im ej bareinwõt kwal̦o̦k ewi wãween jemaroñ kakõm̦anm̦anl̦o̦k ad al.

Elõñ men ko rem̦m̦an jemaroñ katak jãn jikin kone ko ilo Israel ilo iien ko etto. Ilo katak eo kein kajuon, jenaaj katak kõn wãween an rijjerawiwi ro maroñ bõk kõjparok jãn Jeova ãinwõt juon jikin kone ilo raan kein. Ilo katak eo kein karuo, jenaaj katak kõn joñak eo an Jeova im ewi wãween joñak eo an emaroñ jipañ kõj ñan jol̦o̦k an ro jet bõd, kaorõk mour, im kwal̦o̦k ekajet jim̦we.

Katak kein ruo rej pedped ioon lõta eo kar kõm̦akũt Paul bwe en je ñan Kũrjin ro ilo Kolosse. Katak eo kein kajuon ej kõmel̦el̦e kõn ta eo jej aikuj kõm̦m̦ane ñe jej roñ l̦õmn̦ak ko rebuñbuñ an lal̦ in me ilo jinoin jemaroñ l̦õmn̦ak bwe ejjel̦o̦k jorrããn ie. Katak eo kein karuo ej kõmel̦el̦e kõn ewi wãween jemaroñ kõjparok kõj jãn l̦õmn̦ak ko me remaroñ bõbrae ad loi jeraam̦m̦an ko Jeova ear kallim̦ur kaki.