Kakajurlok Lokjak ko an Family
1 Ñe yiõ ko rej motlok, ro jemen im jinen rej lo an ro nejiir rittolok im ilok jen mweo. Ekkã air kar kõnan bwe rar jolok elaplok ien ñan bed ibben ro nejiir im kõmman elõñlok men ko ibbeir ke ear wõr ien ko remõn. Elañe ewõr juõn am family ej eddeklok wõt, bõlen alliñ in ej juõn ien emõn ñan am karõk im kõmman men ko ibben don.
2 Ecclesiastes 3:1 ej jiroñ kij: “Eor ien ñõn jabrewõt men.” Ej juõn men emõn ñan konono men ko ibben don einwõt juõn family im en wõr juõn schedule ñan katak, ñan kwalok nan im ñan kõmman jerbal ko jet imweo.
3 Elaptata kememej nan in kakabilek eo ilo Deuteronomy 6:6-9 im kõmman juõn program in kibel kin Bible. Ijellokin am etale unin tel in ran ran otemjej, ej aikwij wõr juõn ien ilo kajjojo week ñan katak Bible ibben family eo. Kinke ien kein rej aikwij ien ko rej kamõnõnõik family eo, ro jemen im jinen rej aikwij tel ien kein ilo juõn wãwen ej kamõnõnõ im ej kobaik ajiri ro.
4 Ak kinke ro jemen im jinen rej aikwij jiaiki lal in kin ien im yokwe an ro nejiir, ej juõn men in aikwij bareinwõt ñan karõk ien kin trip ko rejej uan ak ien jambo ibben family eo. Alliñ ko ilo summer rej ien ko remõn ñan kakajurlok lokjak ko in burukuk im yokwe an family eo.
5 Ro jemen im jinen remaroñ kobaik ien ikkure im katak jimor ilo air karõk ien ñan an family eo jambo lok ñan museum ko im jikin ko jet ijo ajiri ro remaroñ katak jen i. Kõmman bwe alliñ in en juõn alliñ family eo eban melokloke, juõn alliñ me enaj to air kememeje in naj bõktok elap jerammõn ko jen Jehovah.