Kwon Jelã Kajjen Ro Jeõm im Jatõm
1 Bible eo ej kameleleik juõn jeran emol einwõt juõn armij eo ej ebaklok jen juõn jein im jatin, eo yokwe im tiljek eo an ej bin wõt, im eo ej juõn ri jibañ ilo ien jorrãn. (Jabõn Kennan 17:17; 18:24) Ejamin eiet jerad rot in ilo congregation eo elañe jej kate kij ñan jelã kajjen im yokwe don.—John 13:35.
2 Ien ko remõn ñan jelã kajjen ro jeid im jatid rej ien ko mokta ak elikin kwelok ko. Etke kwojjab itok ilo mõkaj im en aetoklok ien am bed elikin kwelok ko bwe kwon maroñ lañliñ kin kamao ko remãnãn? Bukõt elõñ kain ro jeõm im jatõm ñan bwebwenato ibbeir, ekoba ritto ro me ewõr air iminene im ro rediklok ak rejookok.
3 Jinoe Bwebwenato ko: En laplok jen am baj yokyokwe ro jeõm im jatõm. Kwomaroñ jino juõn bwebwenato ilo am kwalok juõn experience ilo jerbal in kwalok nan, juõn point ekaitoktoklimo ilo juõn magazine ekãl, ak juõn ennan kin kwelok eo ej kab jemlok. Emaroñ lap am katak kin ro jeõm im jatõm ilo am juõn ri roñjake emõn, ilo am rejañ ir ñan konono kin experience ko air im men ko rej katak kaki. Ilo am baj kajitõk kin ewi wãwen ear jelã kin Jehovah emaroñ lap an kwalok kin e. Jet rar iion experience ko rej kakajurlok tõmak ilo mour ko air, ke ro jet rej kijenmij wõt kiõ kin wãwen ko me ebin an ro jet melele kaki. Ad kile men in enaj jibañ kij, einwõt jeran ro remol, ñan kwalok lolokjen im emmakit ñan aikwij ko an ro jet.
4 Jeraik Don: Elikin mij eo an ledik eo nejin, juõn sister ear lo bwe ear bin ñan an al al in Ailiñ ko me ear konono kin jerkakbiji. Ear kememej: “Juõn ien, juõn sister eo ear jijet iturãjet in ial in etetal eo ear lo aõ jañ. Ear itok, likit pein ilikiõ, im al bwen al eo ibba. Iar obrak kin yokwe ro jeiõ im jatiõ maan im kõrã im lukkun mõnõnõ bwe kim ar kwelok, im kile bwe ijo kar jikin eo kim ar maroñ bõk jibañ ie, ijo ilo Kingdom Hall eo.” Jej aikwij jeraik ro jeid im jatid ilo ad lelok ñan ir nan in kainemõn ñe ewõr aikwij im nan in rejañ ilo ien otemjej.—Hib. 10:24, 25.
5 Ke lal in emor ej laplok an jibed kij, jen bebe ñan kalaplok ad jelã kajjen ro jeid im jatid. Leto-letak in kin rejañ eo emol enaj juõn jerammõn ñan aolep.—Rom. 1:11, 12.