Box In Kajitõk
◼ Ro jemen im jinen rej aikwij kejbãrok kin ta ñe ajiri ro nejiir redik rej bõk kunair ilo jerbal in kwalok nan?
Christian ro jemen im jinen ilo jejjet rej bõk ajiri ro nejiir ibbeir ilo jerbal in kwalok nan, im kamineneik ir ñan bõk kunair in jaketo-jaketak news eo emõn kin Ailiñ eo ibben ro jet. Ilo air kõmman eindein, ewõr juõn aikwij ñan lale ro nejiir redik kin an wõr men ko rekauwatata ilo territory eo, meñe ilo jikin ko ewõr “jokane” ie. Elaplok jen mokta, ajiri ro rej jelmae lej im kokkure kin an laplok tõr im mour etton ilo “ien [kein] renana” ijo jej jokwe ie. (2 Tim. 3:1-5) Ro jemen im jinen rej aikwij bõk buñten nee ko ñan kejbãrok ro nejiir redik jen ro rekõnan kokkure ir. Ta eo jemaroñ kõmmane?
Ilo meletlet Bible eo ej kakabilek bwe jen ekkõl im lemnak lok iman ñan lo men ko rekauwatata. (Ken. 22:3; Mat. 10:16) Kõnan eo ijin ejjab ñan kõmman elõñ rule ko, ak ej juõn men in meletlet bwe juõn jemen ak jinen ak bar juõn armij eritto en jerbal ibben juõn ajiri ñe rej bõk kunair ilo jerbal in kwalok nan. Elañe ruo jodikdik ri kwalok ro reritto ilo lemnak rej jerbal ibben don, ej emõn bwe juõn jemen ak jinen ak bar juõn armij eritto en kalimjek ir ien otemjej. Emol, ñe juõn ajiri ej rittolok im kamol air maroñ liki e, jemen im jinen remaroñ bebe elañe remaroñ kadiklok air lale e.—Lale bareinwõt Box In Kajitõk eo ilo October 1992 Ad Jerbal Ñan Ailiñ Eo.
Ej bareinwõt juõn men in meletlet ñan lemnak kin wãwen ko ñan kejbãrok jen jorrãn ñe jej iuwe ilo juõn wa ak ñe jej etetal. Ñe jej kejbãrok ekkã an men in bõprae jidimkij ko im eddo ko kin metak, expense in doctor ko, im bareinwõt muri ko ekkar ñan kien jen air walok ilo lal in ibelakid me ekkã air kõmman case.
Ekkar bwe ro redik ren “nebar etan Jeova.” (Sam 148:12, 13) Nan ko air remejaja im mwiliir emõn ñe rej jerbal ilo jerbal in kwalok nan rej kabwilõñ ro jet im bõktok nebar ñan Jehovah. Ro jemen im jinen, jibañ ro nejimi ñan keini air bõk kunair in keañ kin news eo emõn im kwon bareinwõt ekkõl wõt in kejbãrok ir jen jabdewõt jorrãn ko remaroñ walok!