Jen “Kajejjet Ennan eo Ad!”
1 Juõn ri mweo enañin kabõjrak ke ennan eo kwar kebojak kin nan kein: “Ta eo kwo kõnan? Kajejjet ennan eo am!” Ta eo jemaroñ katak jen juõn experience rot in?
2 Elõñ armij rainin rejaje kõttar. Rekõnan jelã wõn kij im etke jaar itok. Ñe rej jelã unin lotok eo ad ej ñan bwebwenato ibbeir kin Bible eo, remaroñ makoko in roñjake. Konono Bible im bwebwenato kin men ko lor jitõb rejjab men ko raorõk ilo mour ko an elõñ armij. Ewi wãwen jemaroñ kareel kain armij rot in bwe ren bõk jet wõt minute ko ñan bwebwenato ibbed kin Bible eo?
3 Ta eo Emõntata an Jerbal: Key eo ej ñan kwalok ñan ri mweo bwe Bible eo ej letok mejelan ko rekeie ñan abañ ko me rej jelet e im kõmmane men in ilo jet wõt nan ko. Ennan ko elaptata air keie rej bõkmantak juõn kajitõk me ej kamakit lemnak eo an ri mweo, jeltokin, kwalok juõn eon me ej uak kajitõk eo. Kwomaroñ mõnõnõ in kajerbal jet ennan kein tok. Kar eiki ñan jibañ kij “kajejjet ennan eo ad” ilo mõkaj im ilo ejja ien eo wõt kaitoklimoen ri mweo.
4 Ilo juõn territory ijo ekkã an armij ba bwe rejjab itoklimo, bõkmantak juõn kajitõk me ej jelet ir:
◼ “Ke jej ebake thousand yiõ ko in tok, ewõr ke am kejatdikdik ak bere? [Kõtlok an uak.] Bible eo emwij an kar kanan kin men in walok ko rekabwokbwok me jej loi rainin im tokjen ko air.” Read 2 Timote 3:1, 2, 5 im Jabõn Kennan Ko 2:21, 22.
◼ “Ilo ailiñ in elap an armij itoklimo kin ejmour. Kwar jelã ke bwe Anij ej kallimur bwe enaj kamadmõd indio aolep abañ ko ikijen ejmour?” Read Reveles̃õn 21:3, 4.
◼ “Ewi lemnak eo am ikijen ewi wãwen bukwon eo ad enaj bõk tokjen elañe aolep armij ro rej jokwe ijin rar jerbale nan in kakabilek ko ilo Bible?” Read Matu 22:37-39.
5 Ke kar kakien kij ñan kwalok kin news eo emõn kin Ailiñ eo, ñe emaroñ jej aikwij kalikar kin ta eo Ailiñ eo enaj kõtõbrake. Kwomaroñ ba:
◼ “Kwar jelã ke bwe book eo etto tata an bed ilo lal in, Bible eo, emwij an kanan bwe enaj wõr juõn wõt kien ilo aolepen lal in?” Read Daniel 2:44, New World Translation.
◼ “Ewi lemnak eo am ikijen ewi naj wãwen lal in elañe Jesus Christ ej iroij?” Read Sam 72:7, 8.
6 Ilo territory eo ijo armij elap air tõmak ilo kabuñ, kwomaroñ kajeoñ in kajerbal juõn ian nan in jino kein:
◼ “Elõñ armij rej iion kalijeklok kin air maan ak kõrã, kin kabuñ eo air, ak kin unokan kiliir. Ewi lemnak eo am ikijen eñjake eo an Anij kin kalijeklok rot in?” Read Jerbal 10:34, 35.
◼ “Jej jelã bwe Jesus Christ ear kõmman elõñ men in bwilõñ ko ilo ran ko an. Elañe kwar maroñ kajitõk ibben ñan kõmman bar juõn men in bwilõñ, enaj kar ta eo?” Read Sam 72:12-14, 16.
7 Elañe ri mweo e makoko in kabellok kejam eo, kwomaroñ ijjino juõn bwebwenato ilo am ba:
◼ “Enañin aolep armij rainin rej mõk in roñ kin abañ ko. Rekõnan roñ kin mejelan ko. Ejelok bere ej eindein am lemnak. Ak ia eo jemaroñ lo mejelan ko remol ie ñan abañ ko ad?” Kõtlok an uak. Read 2 Timote 3:16, 17.
8 Etke Kwojjab Kajeoñ in Kajerbale? Ekkã an juõn kajitõk elamwan im jejjet ej men eo wõt kwoj aikwiji ñan kaitoklimoen ri mweo. Juõn kõrã eo ear jumae mokta ear kadeloñ ruo sister ro ilo mweo imõn elikin juõn iair ear bõkmantak kajitõk eo: “Kwomaroñ ke kwalok kin Ailiñ eo kwoj jar kake ilo Jar eo an Iroij?” Kajitõk eo ear kaitoklimoen kõrã eo, im ear mõnõnõ in bõk juõn katak kin Bible. Kiõ ej juõn ri karejar an Jehovah emwij an wujleplok an mour!
9 Ñe kwoj konono ibben juõn ri mweo, en mol nan ko am. Konono jen buruõm. Armij renaj emmakit ilo juõn wãwen emõn ñe rej jelã bwe ej mol am itoklimo kake ir.—Jerbal 2:46, 47.
10 Jerbal in kwalok nan kin news eo emõn ej juõn aitwerõk elap rainin. Jet ri mweo rej ekkõljake kin ruwamaejet ro. Ro jet eboub mour ko air im ejjab bwe ien ibbeir. Ak, jemaroñ liki bwe ej wõr wõt ro tellokiir jej aikwij bukõt ir. (Mat. 10:11) Jibadbad ko ad ñan bukõt ir enaj wõr tõbrak elañe jej kõmman bwe ennan ko ad ren kadu im jej “kajejjet ennan eo ad!”