Theocratic Ministry School Ñan Yiõ eo 2001
1 Ekkar ñan Jeje ko ewõr un ko relõñ kin etke kij aolep jej aikwij bõk kunad ilo Theocratic Ministry School ilo joñan ad maroñ.—Ken. 15:23; Mat. 28:19, 20; Jerbal 15:32; 1 Tim. 4:12, 13; 2 Tim. 2:2; 1 Pit. 3:15.
2 Juõn program in read Bible week otemjej eto an kar juõn mõttan elap ilo school eo. Ej melelen ad read juõn peij ilo Bible kajjojo ran. Ijjino ilo yiõ in, rej bar karõk juõn schedule in read Bible ilo week in ien elij eo ej walok. Program eo juõn in read Bible, eo kar karõke iumin yiõ ko jilu rej kab motlok, emwij an dedelok. Ak elañe kwo kõnan kalaplok am read Bible jen kar karõke, kwomaroñ kõmman am make program in read Bible.
3 Katak No. 2 ej kamineneik brother ro ñan “konono” Nan eo an Anij. (1 Tim. 4:13) Ñe ewõr am katak in read, ilo juõn ainikien elaj kwon kamelmel im bar kamelmel. Kwomaroñ kajerbal cassette in roñjake Bible eo an Society ñan kakõmõnmõnlok wãwen am ba nan ko, oktak in tone in ainikien, im wãwen ko jet ñan an emõn am read.
4 Katak No. 3 im No. 4 rej wawa ion book in Reasoning (Kõmmanwa), eo kar eiki ñan kajerbale ilo jerbal in kwalok nan. Elañe mõttan in katak eo ej laplok jen am maroñ kwaloke ilo ien eo kar karõke, kãlet point ko wõt im rejejjet ñan territory an congregation eo am. Kwomaroñ kajerbal jabdewõt setting me ej ekkar ñan territory eo am.
5 Kõmman jabdewõt jibadbad ko rej men in kõmmanwa ñan kajejjet katak eo am ilo school eo. Bõk ien ñan kabolel am kebojak, im konono jen buruõm. Kwonaj juõn unjen kõketak ñan congregation eo, im kwonaj make bõk tokjen elañe kwoj bõk kunam kin aolepen buruõm ilo Theocratic Ministry School eo ilo yiõ 2001.