Ejimewõt an Katakin kin Nan in Anij
1 Ke ear kwalok nan ñan juõn ri utiej, “Pilip ej walõñi loñin, im jino jen jeje in, im kwalok Jisõs ñõn e.” (Jerbal 8:35) Philip kar “ejimewõt an katakin kin nan in mol.” (2 Tim. 2:15) Bõtab, rainin overseer ro rej ito-itak rar lo bwe elõñ ri kwalok ro ejeja air kajerbal Bible eo ñe rej kwalok nan. Kwoj kajerbal ke Bible eo ilo jerbal in kwalok nan eo am?
2 Nan in Anij ej unjen men otemjej jej tõmak im katakin kaki. (2 Tim. 3:16, 17) Ej men eo ej karuaklok armij ñan Jehovah im katakin ir kin mour. Eñin unin eaorõk bwe jen kajerbal Bible eo ilo jerbal in kwalok nan eo ad im jab baj konono wõt ibbeir kin katak ko rej kaitoklimoid. (Hib. 4:12) Kinke jidik wõt an armij jelã kin Bible eo, jej aikwij read jen e ñan kwalok ñan ir bwe ej letok nan in tel eo ekeie im ej letok juõn ilju emõn ñan armij.
3 Konono Kajju Jen Bible eo: Kwomaroñ kajeoñ in kwalok nan ilo am jab kajerbal juõn ieb in kwalok. Kwomaroñ likit book eo kwo kõnan leloke ilo juõn portfolio eo eaidik im bõk Bible eo ilo peim ak ilo bõjo eo am. Inem, ñe kwoj bwebwenato ibben armij, kwomaroñ kwalok Bible eo ilo am jab kõmman bwe en eñjake bwe kwoj kwalok nan ñan e. Jutak ilo juõn wãwen me ri roñjake eo emaroñ lale ñe kwoj read Bible eo. Bõlen kwomaroñ kajitõk bwe en readi juõn eon. Enaj laplok an jelet e ñe emaroñ lo ta eo Bible ej ba jen an baj roñjake am kamelele kake. Mekarta, ñan jibañ e melele point eo elap ilo eon eo, kalikar nan ko rejejjet rej kwalok lemnak eo.
4 Juõn Ennan Eo Ej Kajerbal Juõn Eon: Elikin am kwalok kajjõm, kwomaroñ ba: “Armij rej reilok ñan kajjo un ko ñan bõk tel ilo air mour. Kwoj lemnak ta unjen eo emõntata ñan bõk tel eo ekeie? [Kõtlok an uak.] Ewi am lemnak kin nan in? [Konono Jabõn Kennan Ko 2:6, 7, im kõtlok an uak.] Meletlet an armij kar kamol an likjap, im ear tellok elõñ armij ñan buromõj. Ak, meletlet an Anij ien otemjej ear kamol an mol im wõr tokjen.” Inem kwalok book eo kwo kõnan lelok ñan e, im kwalok juõn wanjoñok kin meletlet ekeie an Anij.
5 Jesus ear kajerbal Jeje Ko ñan jibañ ro emol burueir. (Luk 24:32) Paul ear kamol men ko ear katakin kaki ekkar ñan Jeje ko. (Jerbal 17:2, 3) Liki im lañliñ eo ad ilo jerbal in kwalok nan naj laplok ke ej kabel lok im jimwe ad katakin kin Nan in Anij.