“Ewi Wãween Ij Bwini Awa ko Aõ?”

Kwõnañin ke kajjitõk ippam̦ make kõn kajjitõk in? Ewõr naan in jiroñ ko kõn men in ilo Ad Jerbal ñan Aelõñ Eo an Tijemba 2006, peij 3. Bareinwõt kwõmaroñ lale naan in jiroñ ko jet ilo Ad Jerbal ñan Aelõñ Eo an Jeptõmba 2008 ium̦win katak eo Bo̦o̦k in Kajjitõk. Ejjab lõñ naan in jiroñ ko kõn men in kõnke wãween ko ippãn armej ro reoktak jãn doon. Kõn men in, ejjab juon men ejim̦we ñan an elder ro kab ro jet kõm̦m̦an kien ko kõn wãween ad bwini ripoot ko ad.

El̦aññe kar bõkm̦aantak juon kajjitõk kõn wãween jej bwini awa ko ad im ejjel̦o̦k naan in jiroñ kõn men in, kajjojo ri kwal̦o̦k ro remaroñ kajjitõkin er make: Iar ke kajerbal iien eo ñan kwal̦o̦k naan? Ak iar ke kajerbale ñan men ko jet im rejjab m̦õttan jerbal in? Men ko jej jei ilo ripoot ko ad kajjojo allõñ ej aikuj kalõñliñ kõj im jab nana ad mour kake. (Jrb. 23:1) Men eo el̦aptata an aorõk ejjab kõn ewi wãween jemaroñ bwini awa ko ad ak ej bwe jen kortokjãn iien ko jej kajerbali ilo jerbal in kwal̦o̦k naan. Jej kõm̦m̦ane men in ilo ad niknik im kijejeto ilo jerbal in.—Hi. 6:11.