Job Ear Kwal̦o̦k kõn An Eñtaan

Job ear lukkuun jorrããn, bũrom̦õj, im bõk juon nañinmej ekaeñtaanan. Jekdo̦o̦n ak ear tiljek wõt. Innem, Setan ear kajjioñ kabbeer Job bwe en jab tiljek ñan Jeova ilo an kar kõjerbal naanin kabbeerer ko. Ke l̦õm̦aro jilu “m̦õttan” Job rar lotok e, rar m̦okta kaalikkar aer bũrom̦õjl̦o̦k ippãn kõn wãween eo ej iioone. Ãlikin, rar jijetl̦o̦k ippãn Job im jab ba juon naan ium̦win jimjuon raan im ejjel̦o̦k juon naanin kaenõm̦m̦an rar ba ñane. Bõtab tokãlik ke rar kõnnaan ñane, ear l̦ap wõt aer kar kabbeere im n̦aruon.

Job ear tiljek wõt ñan Jeova meñe ear iioon wãween ko rekabbeerer

6:3, UBS; 7:16, UBS; 9:20-22, UBS; 10:1, 12, UBS

• An Job kar bũrom̦õj im eñtaan ear kõm̦m̦an bwe en bõd l̦õmn̦ak eo an. Ear l̦õmn̦ak bwe Anij ejjab kea jekdo̦o̦n ñe ej kwal̦o̦k wõt an tiljek ñane

• An kar Job itõn ebbeer jãn naanin kabbeerer ko, ear kõm̦m̦an menin an jab l̦õmn̦ak kõn un ko jet unin an kar iioon eñtaan

• Meñe ear lukkuun bũrom̦õj im eñtaan ak ear kwal̦o̦k wõt an yokwe Jeova ñan ro rar n̦aruon