Katak 14

Wãwen Eo Ri Kennan ro an Jehovah Rej Kwon

Ñãt eo Ri Kennan ro an Jehovah rar jino ilo ran kein? (1)

Ewi wãwen rej kõmmõn kwelok ko an Ri Kennan ro an Jehovah? (2)

Ewi wãwen rej kabwe wõnãn men in aikwij ko? (3)

Wõn ro rej tel ilo kajojo congregation? (4)

Ta kwelok ko relap rej kõmmõni ilo kajojo yiõ? (5)

Ta jerbal eo rej kõmmõne ilo headquarter im ra ko air? (6)

1. Ri Kennan ro an Jehovah rar jino ilo ran kein ilo yiõ ko ilo 1870. Ilo jinoin, rar naetair Bible Student (Ri Katak Bible) ro. Ak ilo 1931 rar bõk ãt eo ej bedbed ion Bible eo Ri Kennan ro an Jehovah. (Isaiah 43:10) Jen juõn ijjino eo edik dolul eo ear eddeklok ñõn elõñ million Ri Kennan ro, me rej boub ilo air kwalok ilo elõñlok jen 230 ailiñ ko.

2. Enañin aolep congregation ko an Ri Kennan ro an Jehovah ewor kwelok ko jilu alen ko ilo kajojo week. Rej kirtok yuk ñõn kwelok ilo jabdewõt ian kwelok kein. (Hebrew 10:24, 25) Bible ej bedbed eo kin ta eo rej katakin. Ilo kwelok ko rej jino im kejemlok kin jar. “Al ko ilo jitõb” jen burueir rej al kake ilo enañin aolep kwelok ko. (Epesõs 5:18, 19) Ejelok wõnãn ñõn deloñ, im rejjab teltel jabawot.​—Matthew 10:8.

3. Enañin aolep congregation ko rej kõmmõn kwelok ko ilo juõn Kingdom Hall (mõn kwelok). Mõn kwelok kein ekkã air lamwan me Ri Kennan ro remõnõnõ rar kaleki. Kwo jamin lo jabdewõt ekjap ko, debail ko, ak men ko eierlok wõt ilo Kingdom Hall eo. Wõnãn men in aikwij ko rej kõllãiki ikijen jabawot ko jen ro remõnõnõ. Ñõn ro rekõnan jabawot, ewor juõn box in jabawot.​—2 Korint 9:7.

4. Ilo kajojo congregation, ewor elder ro, ak overseer ro. Rej tel ilo katakin ilo congregation eo. (1 Timothy 3:1-7; 5:17) Ministerial servant ro rej jibañ ir. (1 Timothy 3:8-10, 12, 13) Emaan rein rejjab utiejlok jen ro jet ilo congregation eo. (2 Korint 1:24) Rejjab lelok ñõn ir title ko reinjuõn. (Matthew 23:8-10) Ileir ejjab oktak jen ro jet. Rejjab bõk kõllã kin jerbal ko air. Elder ro rej mõnõnõ in lolorjake aikwij ko ilo jitõb an congregation eo. Remaroñ kainemõn im tel ilo ien abañ ko.​—James 5:14-16; 1 Peter 5:2, 3.

5. Ri Kennan ro an Jehovah rej bareinwõt kõmmõn kwelok ko relap ak convention ko ilo kajojo yiõ. Ilo ien kein elõñ congregation ko rej koba ibben don kin juõn program ejej uan kin nan in kibel ko jen Bible eo. Baptaisi ri kalor ro rekãl ej juõn mõttan in program eo ekkã an walok ilo kajojo kwelok elap ak convention eo.​—Matthew 3:13-17; 28:19, 20.

6. Headquarter ko an Ri Kennan ro an Jehovah ej bed ilo New York. Ijo Governing Body eo ej bed ie, juõn kumi in elder ro elap air iminene me ej lolorjake congregation eo ibelakin lõl. Ewor bareinwõt elõñlok jen 100 office in ra ko ibelakin lõl. Ilo jikin kein, ro rej mõnõnõ rej jibañ ñõn kõmmõn im jilkinlok book in Bible ko. Rej bareinwõt lelok nan in tel ko ñõn kõmmõn bwe jerbal in kwalok nan en kwon. Etke kwojjab karõk ñõn lolok office in ra eo ebake yuk?