Key eo ñan Juõn Lal eo Elemõnõnõ
“Nememe eo emake ian im elap an kajur ejjab baj ilo ruo thousand yiõ ko wõt ak ilo aolepen bwebwenato in armij—ej Jesus ri Nazareth,” Time magazine eo ear ba. Ke Jesus ear bed ion lal, thousand armij ro emol burueir rar kile, ejjab baj kin laplap eo an wõt, ak kin an lemnak kin ro jet. Kin menin, ear jab juõn menin ilbõk bwe rar kõnan kõmman bwe en king. (Jon 6:10, 14, 15) Ak, einwõt kar kwalok ilo katak eo lok iman, Jesus ear makoko in bõk kunan ilo jerbal in kien.
UAK eo an Jesus ear bedbed ion jilu mol ko: an Jemen lale men ko rej kalikar an armij make bebe ñan e make, ekoba an armij iroij; Jesus ear wõr an jelã bwe ewõr kajur ko renojak rej jerbal nae meñe jibadbad ko remõn an armij ilo jerbal in iroij; im karõk eo an Anij ñan ejaake juõn kien ilañ ñan an iroij ion aolepen lal. Ilo ad lukkun etale point kein jilu, jenaj lo unin an kar likjap jibadbad ko an armij ñan kõmman bwe lal en juõn jikin emõnlok. Jenaj bareinwõt lo wãwen an naj jerammõn lo tõbrak.
Armij Remaroñ Ke Kiene Ir Make?
Ke Anij ear kõmanman armij, ear lelok ñan ir maroñ ion menin mour ko ilo lal. (Jenesis 1:26) Ak armij ear bed iumin kajur bõtata eo an Anij. Maan im kõrã eo moktata ren kar kamol air lelok ir make ñan Anij im ilo bokake jab bõk leen juõn wijki, “wijki in jela emõn im nana.” (Jenesis 2:17) Ekaburomõj, bwe Adam im Eve rar kajerbal ilo jab jimwe anemkwoj in kãlet eo air im jab bokake Anij. Bõk leen wijki eo emwij kamoiki ear jab juõn jerbal in kwot wõt. Ear menin kõmman jumae nae kajur bõtata eo an Anij.
Kinke menin ear lap an jelet men ko ikijen mour erreo, Anij ear kõtlok Adam im Eve im ro bwijjiir ñan air kãlet ialin mour eo air make, im rar ejaake kien ko air make kin jimwe im bwid. (Sam 147:19, 20; Ri Rom 2:14) Ilo mol armij rar lo an ijjino air bebe ñan ir make. Ear wõr ke tõbrakin? Ibben tokjen thousand yiõ ko in ad loe, jemaroñ ba jab! Ekklisiastis 8:9 ej ba: “Armij eor an maroñ ion bar juõn bwe en kejorran e.” Bwebwenato emwij an kamole bwe armij ejelok maroñ ibben ñan an iroij im lo tõbrak elañe ejjab ibben Ri Kõmanman eo air.
Menin ej bõktok kij ñan juõn un kein karuo kin unin an kar Jesus jab bõk kunan ilo jerbal in kien.
Iroij eo Ettino An Lal
Bible ej jiroñ kij, bwe Satan, ear lelok ñan Jesus “ailiñ in lõl otemjej, im air aibujuij” ñan oktan juõn jerbal in kabuñ. (Matu 4:8-10) Bedbed eo in kar lelok ñan Jesus jerbal in iroij ilal—ak menin ear bedbed ion karõk ko an Devil eo. Jesus ear jab lelok e ñan kabo in. Ak, kar lukkun juõn kabo ke? Satan en kar maroñ ke lukkun kõmmane juõn menin lelok eo einwõt in? Aet, bwe Jesus make ear kir Devil “iroij in lõl in,” im ri jilek Paul ear kwalok kin e einwõt “Anij in lõl in.”—Jon 14:30; 2 Dri Korint 4:4; Dri Epesõs 6:12.
Bwebõta, Jesus ear jelã bwe Devil eo ejelok tokjen ko remõn tata ñan armij ilo buruen. Alikar, juõn lal eo ej “berwõt ilo dri nana eo” an juõn jitõb eo enana einwõt in ejjab maroñ mol an mõnõnõ.—1 Jon 5:19.
Juõn Kien ej Bõktok Mõnõnõ
Juõn un eo kein kajilu unin an kar Jesus katoanlok e jen jerbal in kien ej kinke ear jelã bwe ilo juõn ien eo emwij karõk ñan ran ko rej itok, Anij enaj kajutak juõn kien ilañ ñan an iroij ion lal. Bible eo ej naetan kien in Ailiñ in Anij, im eñin kar unleplep in katakin eo an Jesus. (Luk 4:43; Reveles̃õn 11:15) Jesus ear katakin ri kalor ro an bwe ren jar kin Ailiñ in bwe en itok, bwe iumin iroij eo an wõt ankil an Anij naj kõmanman ion lal einwõt ilañ.’ (Matu 6:9, 10) Kwo maroñ bwilõñ, ‘Elañe Ailiñ in enaj iroij ion aolepen lal, ta eo enaj walok ñan kien ko kõmman in armij?’
Uak eo jej loe ilo Daniel 2:44, New World Translation: “Im ilo ran ko an king ro [rej iroij ilo jemlokin jukjuk im bed in] Anij in lañ enaj kajutak juõn ailiñ eo rejamin kokkure. Im rejamin lelok ailiñ in ñan bar jabdewõt armij. Enaj kabedakilkil im likit juõn jemlokin ñan ailiñ kein otemjej [kõmman in armij], im enaj make jutak wõt ñan indio.” Etke Ailiñ in Anij enaj “kabedakilkil” jerbal in iroij ko an lal in? Kinke rein rej akwelap in etal wõt ilo jitõb in jumae eo nae Anij kin an juõn bebe ñan e make eo me kar kõmman in Satan ilo jikin kallip eo in Eden. Ilo air kobaiktok ñan jerbal in jumae eo nae tokjen ko remõntata an armij, ro rej kate ir ñan kowõnmanlok wõt jitõb in rej likit ir make ion juõn ial eo renaj imaajaj ibben Ri Kõmanman eo. (Sam 2:6-12; Reveles̃õn 16:14, 16) Kin menin, jej aikwij kajitõkin kij make, ‘Jej errã ñane ke ak jumae an Anij iroij?’
Jerammõn ko ñan Armij in Ailiñ eo
Ien otemjej Jesus ear kõmman men ko ilo wãwen eo an Anij. Kin menin, jen an kãlet juõn ialin jenolok lok ian im kajeoñ in jurake ak kõmanmanlok bed in an jukjuk im bed in ikijen wãwen ko an kien, ear kate jerbal ñan kowõnmanlok tokjen ko an Ailiñ in Anij, mejelan eo ej make wõt ñan abañ ko an lal in.
Million armij ro rainin rej kajeoñe Jesus ilo air likit iman mokta Ailiñ in Anij im lelok ir ñan ankil an Anij renaj bareinwõt lañliñ kin juõn menin letok emõn—jerammõn eo kin armij in lal in an Ailiñ in Anij. (Matu 6:33) Iumin yokwe in iroij eo an, naj kajerkak ir ñan armij wãppen, ibben jerammõn eo in mour indio.—Reveles̃õn 21:3, 4.
Aet, Ailiñ in Anij ej key eo emol ñan juõn lal eo emol an mõnõnõ, im ennan eo ej kejelã bwe ejimwe kwalok kake einwõt news eo emõn. Elañe ejañin dedelok am kõmman eindein, ien eo tok juõn ñe Ri Kennan ro an Jehovah rej bõjrak waj ilo mweo imõn, etke kwoj jab roñjake news in emõn ñe rej bõkwõj ñan mweo imõm?