Study Edition eo Ekãl kin magazine in Imõniaroñroñ
MAGAZINE in kwoj readi ej magazine eo kein kajuõn in Imõniaroñroñ eo rej naetan study edition. Kimij kõnan kamelele kin jet ian men ko rekãl kin wãwen kar kõmmane magazine in.
Study edition eo kar printi ej ñan Ri Kennan Ro an Jehovah im ri katak ro wõt me emõn air wõnmanlok. Enaj walok iumin kajjojo alliñ im enaj kitibuj emen ak lalem katak ko iloan me jenaj katak kaki. Lajrak eo ñan etale katak kein ej walok ilo kilin magazine eo. Ijellokin magazine in Imõniaroñroñ eo rej naetan public edition, ilo study edition eo enaj walok ejja pija eo wõt ilo page eo itumanin kajjojo magazine, kinke jejamin leto-letak magazine in ilo jerbal in kwalok nan.
Ilo page 2 ilo magazine eo, kwonaj lo juõn kamelele ilo tu-kadu kin unin kar je katak ko kajjojo im bareinwõt jet ian bwebwenato ko rekadu. Ro rej tel Katak in Imõniaroñroñ eo renaj lo bwe elap an jibañ ñe rej keboje juõn bwebwenato ekkar kin katak ko ilo kwelok eo an congregation eo.
Kwonaj kile bwe eietlok paragraph ilo katak kein jen katak ko mokta. Tokjen men in, enaj kõtlok elap ien ñan etale point ko jen eon ko iumin Katak in Imõniaroñroñ eo. Kimij rejañ yuk ñan etale aolepen eon ko jen Bible im rej walok ilo magazine eo kajjojo week. Jet eon ko emwij kakõlleiki “read” im jej aikwij readi im kameleleiki ilo ien eo jej katak kin Imõniaroñroñ eo. Eon ko jet jemaroñ read elañe ewõr ien. Ilo katak ko jet, kwonaj lo jet eon ko emwij kakõlleiki me rej ba “keidi.” Kinke eon kein rejjab lukkun kalikar point ko relap ilo paragraph eo, ejeja ad aikwij readi ilo kwelok ko an congregation eo. Bõtab, eon ko jej “keidi” ewõr nan in jiroñ ko me rekaitoklimo, ak remaroñ jab kalikar ak rejetake point ko jej katak kaki. Jej rejañ kom ñan readi ilo am keboje katak in Imõniaroñroñ eo. Bõlen kwomaroñ kajerbale ilo uak ko am.
Report eo kin Jerbal in Kwalok Nan Ibelakin Lal ilo kajjojo yiõ ejamin bar walok ilo Imõniaroñroñ eo. Jino jen 2008, naj kwaloke ilo page eo ituloan Ad Jerbal ñan Ailiñ Eo im bareinwõt ilo Yearbook eo. Bõtab, einwõt kar kalikar kake ilo paragraph ko itulõñ, study edition eo naj bareinwõt kwalok bwebwenato ko rekadu. Meñe elõñ iair jejamin etale ilo kwelok eo an congregation eo, joij im kanuij readi. Rej bareinwõt obrak kin mõñã ko lor jitõb jen “dri korijer e tiljek im meletlet.”—Matu 24:45-47.
Eliktata, study edition eo im public edition eo kin magazine in Imõniaroñroñ eo rejjab oktak jen don. Rej jimor Imõniaroñroñ Ej Kwalok kin Ailiñ eo an Jehovah. Ilo page 2 ilo magazine kein ruo ewõr ejja paragraph ko wõt me rej kamelele kin tokjen magazine in Imõniaroñroñ eo. Magazine kein ruo renaj koba ilo juõn wõt bound volume (book in magazine ko) ilo kajjojo yiõ. Im magazine kein jimor renaj walok ilo mõttan eo “Kwoj Kememej Ke?” im naj kõmmane ilo study edition eo.
Jen 1879, ilo kar ien tarinae ko, abañ ko kin money, im matõrtõr, Imõniaroñroñ eo ekar jab likjap in kwalok mol ko kin Ailiñ eo an Anij. Kimij jar bwe kin jerammõn ko jen Jehovah, magazine in enaj wõnmanlok wõt im kõmman eindein kin jekjek in me ekãl. Im kimij jar bwe Jehovah en kajerammõn yuk, eo ej readi, ilo am kortokjen study edition eo ekãl an Imõniaroñroñ eo.