Ta eo Baibõl̦ Ej Ba?

Jej ke mour ilo “raan ko ãliktata”?

Kwõnaaj kar ba ta?

• Aet

• Jaab

• Bõlen

Ekkar ñan Baibõl̦

“A kwõn jel̦ã men in, bwe ilo raan ko ãliktata, iien ko renana renaaj wal̦o̦ktok.” (2 Timote 3:1) Kanaan ko ilo Baibõl̦ ekoba men ko me rej wal̦o̦k ilo lal̦ in kiiõ, rej kaalikkar bwe jej mour ilo “raan ko ãliktata.”

Ta men ko jet Baibõl̦ ej ba?

• Raan ko ãliktata renaaj alikkar kõn an l̦apl̦o̦k tarin̦ae, ñũta, m̦akũtkũt lal̦ im lõñl̦o̦k nañinmej ko rel̦l̦ap.​—Matu 24:3, 7, UBS; Luk 21:11, UBS.

• Ilo raan ko ãliktata, men ko armej ro rej kõm̦m̦ani renaaj nanal̦o̦k wõt, im enaaj dikl̦o̦k aer yokwe im kõn̦aan epaake Anij.​—2 Timote 3:2-5.

Enaaj ewi wãween ilju im jekl̦aj eo an armej?

Jet armej rej tõmak . . . bwe enaaj jem̦l̦o̦k raan ko ãliktata ñe Anij enaaj tile im ko̦kkure lal̦ in kab armej ro ie, bõtab jet rej tõmak bwe men ko ilo lal̦ in renaaj em̦m̦anl̦o̦k wõt. Ta l̦õmn̦ak eo am̦?

Ekkar ñan Baibõl̦

“Ruwãnõk renaaj amn̦ak ilo ãneo im enaaj ãneer ñan indeeo.”​—Sam 37:29, UBS.

Ta men ko jet Baibõl̦ ej ba?

• Aolep armej ro renana im men ko renana renaaj jako ñe enaaj jem̦l̦o̦k raan ko ãliktata.​—1 Jon 2:17, UBS.

• Lal̦ in enaaj oktak im erom juon pedetaij.​—Aiseia 35:1, 6.