Kwelok ko Rej Kõketak ñõn Jerbal ko Remõn
1 Ruo men ko reaorõk kin kabuñ eo ad rej ñõn bed ilo kwelok ko an congregation eo im bõk kwunam ilo jerbal in kwalok nan. Men kein ruo rej etal ibben don. Juõn ewor kilan ñõn eo juõn. Kwelok ko an Christian rej kõketak ñõn jerbal ko remõn, eo emõntata ej jerbal in kwalok nan kin Ailiñ eo im kõmmõn ri kalor ro. (Hib. 10:24) Elañe jaar kabõjrak ad bed ilo kwelok ko, ejjabto jemaroñ bõjrak ad kwalok nan kinke jejjab bõk kõketak ñõn kõmmõn eindein.
2 Ilo kwelok ko kajjojo week, jej bõk nan in kipel ko ilo jitõb kar elmokote ñõn kamakit kij ñõn kwalok nan. Ekkã air kalikar kin aorõkin ien kein, im rejañ kij ñõn jaketo-jaketak ennan eo ej letok mour ilo Bible eo ñõn ro jet. Jej bõk kõketak im kakajur ñõn kijenmij ilo jerbal in kwalok nan. (Mat. 24:13, 14) Ilo ad kortokjen ien ko remõn ñõn uak ilo kwelok ko, elaplok ad naj bõk iminene ñõn kwalok tõmak eo ad ñõn ro jet. (Hib. 10:23) Ilo ad kadeloñ etad ilo Theocratic Ministry School, jej bõk kaminene ñõn erom ri kwalok ro rebolemen im ñõn kakõmõnmõn lok kabel ko ad ñõn katakin.—2 Tim. 4:2.
3 Ewi Wãwen Service Meeting ko Rej Kamakit Kij ñõn Kwalok Nan: Rej rejañ kij aolep ñõn kabojak lok iman aolep katak ko ilo Ad Jerbal Ñõn Ailiñ Eo. Inem nan in kamelele kein ej laplok an alikarlok ilo lemnak ko ad ñe jej bed ilo Service Meeting im lo kin mejed demonstration ko kin ennan ko. Ñe jej bed ilo jerbal in kwalok nan, jemaroñ lemnak kin Ad Jerbal Ñõn Ailiñ Eo, im kememej demonstration ko kin ennan ko, im ilo wãwen in emaroñ bolemen lok ad kwalok nan. Elõñ ri kwalok ro rar lo men in.
4 Ñõn jerbale nan in kakabilek ko ilo Service Meeting ko, kõmmõn jet karõk ko ibben ro jet ñõn jerbal ibbeir ilo jerbal in kwalok nan. Ri kwalok ro rej kememej wõt point ko rar katak kaki im rej kajeoñ in kajerbali kinke kwelok ko kar rejañ ir ñõn bõk kwunari ilo jerbal in kwalok nan ilo kajjojo week.
5 Ejelok bar juõn men emaroñ bõk jikin kwelok in Christian ko ad, ijo jej koba ibben ri tõmak ro mõttad im bõk kõketak ñõn jerbal ko remõn. Elañe jekõnan bwe jerbal in kwalok nan eo ad en laplok, jej aikwij keini ad bed ilo kwelok ko an congregation eo. Jemaroñ kwalok ad kamolol kin men in letok in jen Jehovah ilo ad jab “likit ar kwelok im jar.”—Hib. 10:25.