Bed ilo Kwelok ko “Im Kalaplok Ar Komõn Men In”
1 Kwelok ibben don ear ien otemjej juõn men eaorõk ñõn armij ro an Jehovah. Ri Israel ro kar wor temple eo im synagogue (imõn kwelok) ko air einwõt jikin ko kin kabuñ eo emol, katakin eo ekwojarjar, im kamao ko relõñliñ. Eindeinlok wõt, Christian ro jinoin rar jab kajekdon air kwelok ibben don. Ñe ijibed ko im melejoñ ko rej laplok wõt ilo ran kein eliktata, kij bareinwõt jej aikwij bõk kakajur ilo jitõb me kwelok in congregation ko ad rej letoki—im jej aikwij “kalaplok ar kõmmõn men in.” (Hib. 10:25) Lale jilu un ko unin jej bed ilo kwelok ko.
2 Kin Ad Kamao Ibben Don: Jeje ko rej kakabilek kij ñõn “kainemõne dron, im kalek dron.” (1 Tes. 5:11) Kamao ko rekwojarjar rej kobrak lolãtãt ko ad kin lemnak ko remõn im rej kalek im kamakit kij ñõn kõmmõn jerbal ko remõn. Ak elañe jej kajenolok kij make, jenaj maroñ bõk lemnak ko rebwebwe, kibbon ak meñe etton.—Jabõn Kennan 18:1.
3 Ñõn Bõk Nan in Jiroñ ko: Kwelok ko in Christian rej letok juõn program in katak kin Bible eo ej wõnmanlok wõt me kar eiki ñõn kõmmõn bwe yokwe eo ad ñõn Anij en emourur ilo burued. Rej letok nan in tel ko rekeie ñõn jerbale “aolepen bebe an Anij.” (Jerbal 20:27) Kwelok ko rej kamineneik kij ilo maroñ eo ñõn kwalok nan im katakin kin news eo emõn, kabel ko elaplok ad aikwiji kiõ ñõn lo lõñliñ eo ñõn bukõt im jibañ ro renaj bõk mol eo jen Bible eo.
4 Ñõn Kejbarok: Ilo lõl in enana, congregation eo ej juõn jikin kone emol ilo jitõb—juõn jikin kone eainemõn im yokwe. Ñe jej bed ilo kwelok ko an congregation, jitõb kwojarjar an Anij elap an jelet kij, im kwalok leen “yokwe, lõñliñ, ainemõn, meanwõr, joij, lejokmen, tiljek, inemõn, im jadõr.” (Gal. 5:22, 23) Kwelok ko rej kakajur kij ñõn jutak bin im bin ilo tõmak. Rej kamaroñ kij bwe jen bojak ñõn jelmae melejoñ ko rej bed imad.
5 Ilo ad keini ad bed ilo kwelok ko, jenaj lo ta eo ri jeje psalm ear kwalok kake, einwõt kar je ilo Psalm 133:1, 3: “Lo enañin emõn im men in mõnõnõ, ñe ro jim jein im jim jãtin rej ber iben dron ilo buru juõn!” Ilo jabdewõt jikin ko armij ro an Anij rej jerbal ie im kwelok ibben don rainin, “ijo Jeova e ar kaiñi jerammõn, aet mour in drio.”