Overseer Ro Rej Tel—Eo Ej Tel Katak in Imõniaroñroñ eo
1 Imõniaroñroñ Ej Kwalok Kin Ailiñ Eo An Jehovah ej men in letok eo elaptata an “dri korijer eo e tiljek im meletlet” ñan kajededlok ekan ko lor jitõb “ilo ien emõn.” (Mat. 24:45) Elder eo ej tel Katak in Imõniaroñroñ eo ewõr juõn eddo eaorõk einwõt juõn ri katakin emõn eo ej likit juõn joñok emõn kin mour in Christian.—Rom. 12:7; Jem. 3:1.
2 Bwe en bolemen an katakin, eo ej tel Katak in Imõniaroñroñ eo ej aikwij kõmman juõn jibadbad elap ñan keboje katak eo kajjojo week. Ej kõmman eindein ilo jar im ilo tiljek. Itoklimo eo an elap kin congregation eo ej alikar ilo an kõmman juõn jibadbad emol ñan tõbar buruõd kin men eo jej katak kake. Ej lemnakelok point ko relap ilo katak eo im jibañ kij ñan lo ewi wãwen rej jerbal ñan unin tel in katak eo.
3 Kebojak emõn ej kitibuj an lale mokta aolep eon ko bwe en jelã ewi wãwen rej jerbal. Ej likit Nan in Anij iman ilo an rejañ congregation eo ñan kajerbal Bible eo ilo ien katak eo. Ñe rejjab kwalok juõn point eaorõk ilo uak ko air ak ñe rej likjap in kwalok juõn eon eaorõk, ej bõkmantak kajitõk ko jet rejejjet ñan kalikar kamelele eo. Ilo wãwen in, enaj jibañ kij ñan lo jemlok ko rejimwe im ñan jelã ewi wãwen jemaroñ jerbale men eo jaar katak kake ilo ad mour.
4 Eo ej tel ilo Katak in Imõniaroñroñ ej jibadõk ñan an kakõmõnmõnlok maroñ eo an ñan katakin. Ejjab lap an konono ak ej rejañ kij ñan uak—ilo nan ko ad make, ilo kadu, im en jejjet. Jen ien ñan ien emaroñ kakememej kij bwe armij eo moktata ñan uak ilo juõn paragraph en lelok juõn uak ekajju im kadu ñan kajitõk eo. Uak ko jet jen ri kwelok ro ren kareilok kij ñan wãwen eo jemaroñ jerbale eon ko, nan in rejetak ko, ak wãwen eo jemaroñ jerbale katak eo ilo keie. Ilo an rejañ aolep ñan air make kebojak ak kebojak ibben family eo, eo ej tel ilo Katak in Imõniaroñroñ eo ej jerbal ñan kamakit kõnan ko an aolep ñan bõk kunair.
5 Einwõt “ro Jehovah ear katakin ir,” jej kamolol kin “men in letok in armij ro,” einwõt ro rej tel Katak in Imõniaroñroñ eo, me “elap air jerbal . . . ñan katakin.”—Ais. 54:13 (New World Translation); Ep. 4:8, 11 (NW); 1 Tim. 5:17 (NW).