Kajimwe kin Men in Aikwij in Awa ko an Pioneer ro
1 Kij aolep jej kamolol bwe ewõr regular im auxiliary pioneer ro elap air jerbal ilo congregation eo. Meñe ilo jikin ko ej edik territory eo im ej ekkã air jerbal ie kajjojo week, pioneer ro rar likit juõn joñok emõn ilo air kwalok nan kin Ailiñ eo ilo kijejeto. Kar rejañ aolep ri kwalok ro ñan air boub in bukõt ro kar “likit ir bwe ren mour in drio.”—Jerbal 13:48.
2 Society eo ear lo abañ ko relaplok me pioneer ro rej jelmaiki, elaptata ikijen lo jerbal ko rej part-time me renaj jibañ ñan air kabwe aikwij ko air make bwe ren maroñ bedwõt ilo jerbal in kwalok nan full-time. Wãwen economy eo kiõ ilo elõñ ailiñ ko rej bareinwõt kõmman bwe en laplok an bin an ro jet deloñ ilo jerbal in pioneer, meñe ej kõnan eo air ilo burueir. Ilo alliñ ko rej kab motlok, abañ kein im men ko jet rar etale kaki.
3 Kin men in, ilo lemnak kin abañ kein, Society eo kar kadiklok men in aikwij in awa ko an regular im auxiliary pioneer ro jimor. Jino ilo 1999 calendar yiõ, men in aikwij eo an regular pioneer ro naj 70 awa ko ilo kajjojo alliñ, ak 840 joñan awa ko ilo juõn yiõ. Men in aikwij eo ilo kajjojo alliñ an auxiliary pioneer naj 50 awa ko. Men in aikwij in awa ko an special pioneer ro im missionary ro ejjab oktak, kinke Society ej jibañ ir ñan kabwe aikwij ko air ilo kanniek. Kin men in, remaroñ lemnak wõt kin jerbal eo air kin kwalok nan im kõmman ri kalor ro.
4 Rej kejatdikdik bwe kajimwe in kin men in aikwij eo kin awa ko naj jibañ elõñlok pioneer ro ñan bedwõt ilo jerammõn in jerbal in eaorõk. En bareinwõt kabellok ial eo bwe elõñlok ri kwalok ro ren bõk jerbal in regular im auxiliary pioneer. Ej juõn jerammõn elap ñan aolep ilo congregation eo!