Ewi Wãwen Ro Uan Juõn Family Rej Jerbal Ibben Don ñan Bõk Elap Kunair—Ilo Katak kin Bible
1 Mol eo ej kalaplok unin im karõk in mour in family, ak lo tõbrak ilo karejar ñan Jehovah ejjab make walok. Ej bõk ien im kate ñan kalek juõn family ekajur ilo jitõb. Ewõr juõn aikwij elap bwe ro uan family eo ren jerbal ibben don ilo jibadbad in. Katak in ej katak eo moktata ilo juõn lelkan in katak ko jilu mõttan im naj etale kin ewi wãwen family ko remaroñ jerbal ibben don ñan kaddek iminene ko remõn kin katak.
2 Ilo Air Konono Bible Kajjojo Ran: Jabõn Kennan 24:5 ej ba bwe “juõn armij e meletlet, e kajur wõt.” Jelãlokjen eo juõn armij ej bõke jen an keini an read Nan in Anij ej lelok ñan e kajur eo ej aikwiji ñan jumae nitbwil eo an Satan nae mour in jitõb eo an. (Sam. 1:1, 2) Komij read ke Bible eo ibben don einwõt juõn family ran otemjej? Theocratic Ministry School Schedule eo ej kõlajrak “Schedule ko Jet kin Read Bible” ñan kajjojo week ilo juõn yiõ. An family eo lore ej aikwiji wõt joñoul minute ko kajjojo ran. Kãlet juõn ien emõn, einwõt ilo ami mõñã in jibboñ, ak elikin ami mõñã in jota, ak mokta jen ien kiki, ñan read Bible im etale unin tel in ran jen Examining the Scriptures. Kõmman bwe men in en mõttan manit in family eo am ran otemjej.
3 Ilo Ami Katak Ibben Don Kajjojo Week: Katak Bible einwõt juõn family en ien eo elaptata ilo week eo an family eo. Kajjojo uan family eo en jurake ilo an bõk kunan ilo kijejeto ilo katak eo. Bõran family eo enaj kõnan lale aikwij ko an family eo ñe ej kãlet men eo ekõnan katak kake, im ran eo, awa eo, im joñan aetokin katak eo. Kõmman bwe katak in family eo en men eo moktata ilo schedule in week eo. Jab kõtlok bwe men ko ediklok aorõkiir ren kokkure karõk in.—Pil. 1:10, 11.
4 Juõn jemen eo ekkã an kar bõk telephone call ko kin business eo an ilo mweo imõn ear tũmi telephone eo ilo ien family eo ej katak. Elañe customer ro rar itok ñan mweo, ear kir ir ñan koba ilo katak eo ak kõttar mae ien ear jemlok. Jemen family eo ear bebe bwe ejelok jabdewõt wãwen en kokkure katak in family eo. Men in ear kõmman juõn joñok emõn ñan ro nejin, im ikijen business eo an, ear laplok.
5 Elap an emõn ñe ro uan juõn family rej jerbal ibben don ilo makitkit ko ilo jitõb! Tiljek ilo jibadbad ko ad ñan bõk elap kunad ilo katak Bible einwõt juõn family enaj bõktok jerammõn ko jen Jehovah.—Sam 1:3.