Kalaplok Lañliñ eo Am ilo Kwalok Nan
1 Lañliñ ilo kwalok news eo emõn—kwonañin lo ke men in ilo am kwalok nan? Elañe kwojjab kejbãrok yuk, lal in enana ibelakid emaroñ kõmman bwe jen abje in kwalok nan, im luji lañliñ eo ad. Jerbal ilo territory ko armij ro rejjab itoklimo emaroñ kabwer kij. Ta buñten nee ko rekeie jemaroñ bõki ñan kalaplok lañliñ eo ad kin jerbal in kwalok nan?
2 Bõk Juõn Lemnak Emõn: Kejbãrok juõn lemnak emõn ej jibañ. Juõn wãwen ad kõmman men in ej ilo ad kalmenlokjen kin jerammõn eo ad elap einwõt “dri jerbal iben Anij.” (1 Kor. 3:9) Jesus bareinwõt ej bed ibbed ñan kamwijlok jerbal in. (Mat. 28:20) Im ej jurake kij kin juõn jar in enjel ro. (Mat. 13:41, 49) Inem, jej tõmak bwe Anij ej tel jerbal ko ad. (Rev. 14:6, 7) Inem meñe ejjab jimwe wãwen an jet armij emmakit kin jerbal eo ad, ro rej bed ilañ rej lañliñ wõt!
3 Lukkun Kebojak: Emõn in kebojak ej kalaplok lañliñ eo ad bareinwõt. Kebojak kin jerbal in kwalok nan ejjab aikwiji elap jerbal. Ej bõk jejjo wõt minute ñan elij juõn point jen magazine ko rekãl ñan bwebwenato kake ak jen book eo jenaj leloke ilo alliñ eo. Kãlet juõn ennan jen katak eo “Ta Eo Jemaroñ Ba kin Magazine ko,” ilo Ad Jerbal Ñan Ailiñ Eo. Elij katak eo ilo Ad Jerbal Ñan Ailiñ Eo ilo January 2002, “Ennan ko ñan Kwalok ñan Rej Rejañ Kaki,” ak etale book eo Reasoning (Kõmmanwa) im bõk juõn nan in jino eo ebolemen. Elañe kwojjab maroñ uake juõn nan in jumae eo ekkã an ro ri mweo jomantak, kwon keboje juõn uak eo enaj uake kajitõk eo air im tel ir ñan juõn katak ekaitoklimoiir. Book eo Reasoning (Kõmmanwa) elap an jibañ kij kõmman men in. Ad kajerbal kein jerbal kein enaj kaberan kij ñan kwalok nan ilo lañliñ.
4 Kate Wõt ilo Jar: Jar ej men in aikwij ñan lo lañliñ eo etto an bed. Kinke jej kõmmane jerbal eo an Jehovah, jej aikwij eowore ñan bõk jitõb eo an, im juõn ian leen jitõb ej lañliñ. (Gal. 5:22) Jehovah enaj letok kajur ñan wõnmanlok ilo kwalok nan. (Pil. 4:13) Jar kin jerbal eo ad emaroñ jibañ kij kejbãrok juõn lemnak ejimwe ñe jej bed ilo ien ko rejjab emõn. (Jerbal 13:52; 1 Pit. 4:13, 14) Elañe jej mijak kake, jar emaroñ jibañ kij bwe jen wõnmanlok wõt ilo beran im lañliñ.—Jerbal 4:31.
5 Keboje Ien Ko Remõn: Emol, jerbal eo ad emaroñ wõr lañliñ elaplok ñe jej lo armij im kennan ibbeir. Ukõte schedule eo am ñan kwalok nan jen em ñan em ilo juõn awa einjuõn, bõlen ilo elikin raelep ak jota, emaroñ laplok tõbrak. Kwoj jelmaik armij ien otemjej kwoj etetal ilo ial, kaikujkuj, uwe ilo juõn bus, ak etetal ilo jikin ikkure eo. Etke kwojjab keboje juõn ennan ekadu ñan jinoe juõn bwebwenato im bõk eddo eo ñan kebak ro rej mõnõnõ in roñjake? Ak kwomaroñ jerbal ilo juõn jikin jerbal ak etal ñan school, ijo ekkeini am bwebwenato ibben armij ro ie. Kwomaroñ lo juõn ien emõn ñan kennan ibben armij ro ilo am baj kwalok juõn katak ilo Bible eo me ej kaitoklimoen juõn armij. Wanjoñok ko remõn kin men in jemaroñ loi ilo peij eo kein kajuõn ilo Ad Jerbal Ñan Ailiñ Eo January 2002. Jabdewõt ian men in jibadbad kein remaroñ kalaplok lañliñ eo ad kin kwalok nan.
6 Kinke lañliñ ej jibañ kij ñan kijenmij, ej juõn men eaorõk bwe jen debiji wõt! Ilo ad kõmman eindein, jenaj bõk juõn jinekjej elap ñe ejemlok jerbal in eo ejamin-bar-walok. Kejatdikdik in make emaroñ kalaplok lañliñ eo ad kin kwalok nan.—Mat. 25:21.