Kaorõk im Kwalok Kamolol kin Men ko Mweied Jej Kajerbali ilo Makitkit ko an Anij
1 Ke ear kõmman karõk ko ñan kõkãl temple eo, King Josiah ear nebar ro kar karõk ir ñan kõmman jerbal eo, ilo an ba: “Ren jab watõk oran money eo rar likiti na ilo peiir, bwe rej jerbal ilo tiljek.” (2 Ki. 22:3-7, NW) Kamolol eo an emaan rein kin men ko rekwojarjar ear alikar ilo wãwen eo rar kajerbal mweiuk ko kar liloki ñan ir. Rainin, ke jej bõk kunad ilo jerbal eo ekwojarjar kin news eo emõn an Anij, kij bareinwõt jej aikwij kwalok tiljek ilo wãwen eo jej kajerbal mweiuk ko kar litoki ñan kij.
2 Ilo Jerbal in Kwalok Nan: Ilo ad melele kin aorõkin ennan eo ej bed ilo book ko ad im ad jelã kin wõnãn eo ñan kõmmani book kein men in ej kamakit kij ñan lukkun kaorõki. Jen jab jabdetakwõt ilo ad lelok literature (book, magazine im brochure) kein ñan ro rejjab kwalok air kamolol kin ennan eo ilo Bible. Elañe jidik wõt an juõn armij kwalok an itoklimo ilo news eo emõn, jemaroñ lelok ñan e juõn tract jen ad lelok book ko jet.
3 Jaketo-jaketak book ko ilo juõn wãwen ej kwalok am lemnak kin aorõkiir. Bõprae am likiti ilo jikin ko ilobwilij ijo renaj baj kajeblikliki. Ñan bõprae am bõro-lap, kõmman juõn lajrak kin ta ko ewõr ilo mweo imõm mokta jen kwoj bar bõk book ko. Elañe ekkã an wõr bwe in kajjojo copy in magazine ko, kwomaroñ lemnak in kadiklok order eo am.
4 Book ko ñan Am Make Kajerbali: Jej aikwij order book ko wõt jej lukkun aikwiji. Elaptata jej aikwij bõprae ad bõro-lap ñe jej order deluxe Bible ko, Reference Bible ko, im book ko jet rekilep, einwõt Concordance, Index, Insight volume ko, im Proclaimers book eo, aolepeir elap wõnãir ñan kõmmani.
5 Kwoj kememej ke ñan je etõm im address eo am ilo book ko am make? Men in ej jibañ ñan kadiklok am aikwij bar bõk book ko me kwoj luji. Elañe kwoj luji juõn book in al, Bible, ak book in katak, bõlen kwonaj loe ibwiljin men ko armij rar luji me rar aini ilo Kingdom Hall eo ak jikin assembly eo.—Luk 15:8, 9.
6 Jen kate kij ñan kajerbal book ko ad ilo juõn wãwen emeletlet. Ej juõn wãwen ñan kwalok ad tiljek ke jej kajerbale men ko mweien Ailiñ eo me Jehovah ear litoki ñan kij.—Luk 16:10.