Kememej Ritto Ro Retiljek
1 Meñe ear juõn kõrã ejako belen im ear ritto, Anna eo ear 84 an yiõ “e jab ilok jen tempel” eo. Tiljek eo an ear kamakit Jehovah ñan lelok ñan e juõn jerammõn ejej uan. (Luk 2:36-38) Rainin, elõñ brother im sister ro rej kwalok juõn jitõb einwõt eo an Anna meñe rej jelmae wãwen ko rebin. Ñe rein retiljek rej aikwij jelmae abañ ko kin ejmour ak ewõr joñan remaroñ kõmmani kin air ritto, jet ien remaroñ bõk juõn jitõb in ebwer. Jen etale jet ian wãwen ko rekeie jemaroñ kõmmani ñan rejañ ir im jibañ ir ñan kejbãrok juõn manit emõn kin men ko lor jitõb.
2 Kwelok ko im Jerbal in Kwalok Nan: Ñe ro jet rej lelok ilo yokwe ial in air ito-itak, ej kõmman bwe en bidodolok im keini an elõñ ritto ro retiljek maroñ bed ilo kwelok ko an Christian. Men in ej kõketak ilo jitõb ri karejar rein retiljek im etto air jerbal im ewõr tokjen ko bareinwõt ñan congregation eo. E kar wõr ke kunam ilo jerbal in emõn?—Hib. 13:16.
3 Keini in bõk kunair ilo jerbal in kwalok nan ej bõktok lañliñ im juburu ñan Ri Christian ro remol. Ak emaroñ juõn aitwerõk elap ñan an ro reritto im ro renañinmij kõmmane. Juõn ian rein rejitenburu ibbed emaroñ ke karwaan yuk einwõt juõn “dri jerbal” mõttam ilo juõn wãwen kwalok nan? (Rom 16:3, 9, 21) Bõlen kwomaroñ kir e ñan jerbal ibbam ñe kwoj kwalok nan ikijen kajerbal telephone ak kõmman juõn bar jeblak ak Bible study. Elañe eo eritto ejjab maroñ dioj jen mweo imõn, juõn ri katak Bible emaroñ ke etal ñan mweo imõn ritto eo ñan katak?
4 Katak im Kamao: Jen ien ñan ien, jet rej kir juõn eo eritto ak juõn eo enañinmij ñan an bed ilo ien katak eo an family eo air, im kõmmane katak eo ilo mweo imõn eo eritto ak nañinmij. Juõn jinen ear bõk ajiri ro ruo nejin redik ñan mweo imõn juõn sister eritto ñan kõmmane katak eo air ie ilo book eo Aõ Buk in Bwebwenato Ko Jen Baibel, im aolep rar bõk kõketak jen air kamao ibben don. Armij rein rej bareinwõt mõnõnõ ñe ro jet rej kir ir ñan mõñã ibbeir ak bed ilo jet ien kamõnõnõ. Elañe eo eritto ak eo enañinmij elap an mõjno im ebane ñe etto an ri lotok ro bed ibben, bõlen kwomaroñ telephone lok ñan e ak bõjrak jidik ñan read ñan e, jar ibben, ak kwalok juõn experience ekõketak ñan e.—Rom 1:11, 12.
5 Jehovah ej kaorõk ritto ro retiljek. (Hib. 6:10, 11) Jemaroñ kajeoñe e ilo ad kwalok ad kautiej ir im jibañ ir ñan kejbãrok juõn manit emõn kin men ko lor jitõb.