Keini Ad Bed ilo Kwelok ko—Juõn Men Eaorõk
1 Family ko rej Christian rej kõmman bwe air ekkeini bed ilo kwelok ko an congregation en moktata ilo air mour. Ak “makitkit ko an mour” rainin remaroñ kõmman bwe en juõn aitwerõk elap. Jerbal ko ilo mweo, jikin jerbal eo, ak katak ko an school rej jino ke in kokkure ien eo kar karõke ñan kabuñ ñan Jehovah? Ilo ad lale men ko ekkar ñan wãwen eo Jehovah ej lali enaj jibañ kij ñan kejbãrok lajrak in men ko raorõktata ilo ad mour.—1 Sam. 24:6; 26:11.
2 Ilo an ae kane ilo ran in Sabbath, juõn emaan in Israel ear likjap in lale men ko ekkar ñan lemnak eo an Jehovah. Emaroñ kar lemnak bwe ear kõmmane men in ñan family eo an ak bwe ear juõn men edik. Bõtab, ikijen ekajet eo leo ear bõke, Jehovah ear kwalok bwe jibadõk men ko edik tokjeir ilo ien eo kar karõke ñan kabuñ ej juõn men elap an eddo.—Bwin. 15:32-36.
3 Jerbale Aitwerõk eo: Ñan elõñ armij ej juõn tarinae elap ñan kejbãrok bwe job eo air en jab kautameik ir jen air bed ilo kwelok ko. Jet rar jelmaik aitwerõk in ilo air konono ibben boss eo air, ukõt ien air jerbal ibben ri jerbal ro mõttair, bukõt juõn job emõnlok, ak kõmman bwe en lamwan wãwen mour eo air. Ejelok bere, katok rot in kin kabuñ eo emol ej kabuñburuen Anij.—Hib. 13:16.
4 Katak ko an school emaroñ bareinwõt juõn aitwerõk elap. “Ij kõmmani jet ian katak ko an school mokta jen kwelok ko im bwen katak ko rejañin mwij elikin ij rol ñan mweo,” juõn jodikdik ear ba. Elañe rar jab maroñ kadedelok aolep katak ko an school ko ilo boñin kwelok ko, jet jemen im jinen rar kameleleik ri kaki ro bwe kwelok ko an Christian raorõktata ñan family eo air.
5 Jerbal ibben don im kõmman karõk ko remõn rej key ko ñan kõtõbrak jerbal ko ilo mweo ñan kebojak bwe en mõkaj an family eo bed ilo kwelok ko. (Ken. 20:18) Remaroñ bareinwõt katakin ajiri ro redik ñan kõmman air nuknuk im bwe ren bojak in etal ñan kwelok eo ilo juõn ien eo kar karõke. Ikijen joñok eo air, ro jemen im jinen remaroñ katakin ro nejiir kin aorõkin kwelok ko.—Ken. 20:7.
6 Ke ijjibed ko an jukjuk im bed in kiõ rej laplok, eaorõk bwe jen keini ad bed ilo kwelok ko an congregation eo. Jen wõnmanlok im lale men ko ekkar ñan lemnak eo an Jehovah im kõmman bwe ad ekkeini bed ilo kwelok ko en bed imantata ilo lajrak in men ko raorõk ilo mour eo ad.—Hib. 10:24, 25.