Bõk Tokjen Jen Video (Cassette in Aluij) eo No Blood​—Medicine Meets the Challenge

Ewi joñan am jelã kin men ko jet rej bellok ñan yuk ikijen kilen doctor me rejjab kajerbal bõtõktõk? Kwo melele ke kin ta jet ian jokãlet ko jet ijellokin bõk bõtõktõk im ewi wãwen rej jerbal? Aluij video in, im etale jelãlokjen eo am ilo am uaki kajitõk kein.​—Lale: Kinke video in ewõr pija in mwijmwij ko rekadu, ro jemen im jinen rej aikwij kajerbal lolokjen eo air ñe rej bebe elañe renaj kõtlok bwe ro nejiir redik ren aluiji.

(1) Ta un eo elaptata Ri Kennan ro an Jehovah rej makoko in bõk bõtõktõk, im ia ilo Bible jemaroñ lo nan in kaiñi in? (2) Ikijen kamadmõd in doctor, ta eo jekõnan? (3) Ta maroñ eo ej bed ibben ri nañinmij eo? (4) Etke ej men in kõmmanwa im meletlet ñan jab bõk bõtõktõk? (5) Ñe elap an toor bõtõktõk, ta men ko ruo relaptata doctor ro rej aikwij kõmmani? (6) Ta men in kauwatata ko ñan ejmour rekoba ibben bõk bõtõktõk? (7) Ta jet ian kein jerbal ko doctor in mwijmwij ro remaroñ kajerbali ñan kadiklok an toor bõtõktõk? (8) Ta eo kwon kõnan jelã kake ikijen jokãlet ko jet ijellokin bõk bõtõktõk? (9) Mwijmwij ko relap im rekabwokbwok remaroñ ke kõmmani ilo jab kajerbal bõtõktõk? (10) Ta eo elõñ doctor ro rej mõnõnõ in kõmmane ñan Ri Kennan ro an Jehovah, im ta eo emaroñ erom kein kejbãrok eo ñan aolep ri nañinmij ro?

Bebe eo ñan bõk jabdewõt kamadmõd in doctor ko me rej walok ilo video in ej bed ibben kajjojo armij.​—Lale June 15, 2004, Watchtower, pp. 22-4, 29-31, im October 15, 2000, Watchtower, pp. 30-1.